الەمدەگى كوروناۆيرۋس
اقش-تا COVID-19 جۇقتىرعان بالالاردى اۋرۋحاناعا جاتقىزۋ ءبىر اپتادا 50%-عا ءوستى. كۇرت ءوسۋ “وميكرون” شتامىنىڭ تەز تارالۋىمەن تۇسىندىرىلەدى. نيۋ-يوركتە اعىمداعى ايدا بالالاردى اۋرۋحاناعا جاتقىزۋ سانى بەس ەسە، ال ۆاشينگتوندا ەكى ەسە ءوستى، دارىگەرلەر بۇل كورسەتكىشتىڭ ءالى دە ارتۋى مۇمكىن ەكەندىگىن بولجاپ وتىر، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-تىڭ Telegram كانالىنا سىلتەمە جاساپ.
فرانسياداعى تۇنگى كلۋبتار كوۆيدكە بايلانىستى قاڭتار ايىنىڭ سوڭىنا دەيىن جابىلادى. بۇعان دەيىن فرانسيادا COVID-19 اۋرۋشاڭدىعى بويىنشا ءابسوليۋتتى رەكورد ورناتىلدى - 24 ساعات ىشىندە 180 مىڭعا جۋىق جاعداي تىركەلدى. بۇل رەتتە اۋرۋحانالارداعى پاسيەنتتەر سانى ءبىر اپتا ىشىندە 17،4 مىڭ ادامعا دەيىن ءوستى
الەم بويىنشا انىقتالعان جاعدايلاردىڭ تاۋلىكتىك ءوسىمى رەكوردتىق دەڭگەيدە قالىپ وتىر، 1،3 ميلليوننان استام جاعداي تىركەلدى. سونىمەن قاتار كۇندەلىكتى انتيرەكوردتار ۇلىبريتانيادا، فرانسيادا جانە يتاليادا انىقتالۋدا.