بۇل سالاداعى بولشەك ساۋدا باعاسىنىڭ جىلدىق ءوسىمى 6%-عا ارتقان.
اعىمداعى جىلدىڭ قاڭتار-اقپان ايلارىندا ەلىمىزدە 28،6 ملرد تەڭگەنىڭ فارماسيەۆتيكالىق ونىمدەرى ءوندىرىلدى، بۇل وتكەن جىلمەن سالىستىرعاندا 11،5%-عا ارتىق، دەپ حابارلايدى Almaty-akshamy.kz ەnergyprom.kz سايتىنا سىلتەمە جاساپ.
وڭىرلىك تۇرعىدان العاندا ەڭ كوپ ءونىم كولەمى الماتى وبلىسىنا تيەسىلى: 9،8 ملرد تەڭگە، ياعني جىلىنا 83،1% ارتىق. ۇزدىك ۇشتىككە سونداي-اق شىمكەنت (9،1 ملرد. تەڭگە) جانە الماتى (3،4 ملرد. تەڭگە) قالالارى كىردى.
انىقتاما ءۇشىن: جالپى 2021 جىلدىڭ قاڭتار-جەلتوقسان ايلارىندا فارماسيەۆتيكالىق ونىمدەردى ءوندىرۋ كولەمى 198،7 ملرد تەڭگەگە جەتتى.
تىكەلەي، اعىمداعى جىلدىڭ العاشقى ەكى ايىندا دارىلىك زاتتاردىڭ شىعارىلۋى 24،7 ملرد تەڭگەنى قۇرادى، بۇل ءبىر جىل بۇرىنعىدان 21،7%-عا ارتىق. 3،3 ملرد تەڭگەگە باسقا دا فارماسيەۆتيكالىق ونىمدەر ءوندىرىلدى.
سارىسۋ جانە يممۋندىق ۆاكسينا ءوندىرىسى 11،4%-عا، ياعني 48،2 تونناعا دەيىن تومەندەدى. جابىسقاق تاڭعىشتار، كەتگۋت جانە سوعان ۇقساس ماتەريالدار، سونداي-اق العاشقى مەديسينالىق كومەك كورسەتۋ قوبديشالارى (49،8%-عا، 34 تونناعا دەيىن)، دياگنوستيكالىق رەاگەنتتەر جانە باسقا دا فارماسيەۆتيكالىق پرەپاراتتار (38،6 ەسەگە، 133،2 تونناعا دەيىن) ۇلعايدى.
ءوندىرىستىڭ ءوسۋى اياسىندا سەكتورداعى يمپورت ازايىپ كەلەدى. ماسەلەن، اعىمداعى جىلدىڭ قاڭتار ايىنىڭ قورىتىندىسى بويىنشا ەلىمىزگە 64،4 ميلليون اقش دوللارىن قۇرايتىن 1،8 مىڭ توننا دارى-دارمەك اكەلىندى. كەمۋ كورسەتكىشى 40%-دى، اقشالاي تۇردە 84،8%-دى قۇرادى.
تمد ەلدەرىنەن 8،4 ملن دوللارعا 567،4 توننا دارى-دارمەك اكەلىندى. مۇندا ەلىمىزگە جەتكىزىلەتىن يمپورتتىڭ نەگىزگى كولەمى رەسەيگە تيەسىلى: 421،1 توننا – ءبىر جىل بۇرىنعىدان 72،1%-عا از. ۇزدىك ۇشتىككە وزبەكستان مەن بەلارۋس كىردى.
تمد-عا كىرمەيتىن ەلدەردەن قازاقستان 56 ميلليون دوللارعا 1،2 مىڭ توننا دارى-دارمەك اكەلدى. مۇندا جۇڭگو قازاقستان رەسپۋبليكاسى ءۇشىن نەگىزگى جەتكىزۋشى بولىىپ وتىر: 263،4 توننا دارى-دارمەك، بۇل ءبىر جىل بۇرىنعىدان 48،3%-عا از. ۇزدىك ۇشتىككە گەرمانيا مەن ءۇندىستان دا كىردى.
اعىمداعى جىلدىڭ ناۋرىز ايىنىڭ قورىتىندىسى بويىنشا، قازاقستان رەسپۋبليكاسىنىڭ ىشكى نارىعىندا فارماسيەۆتيكالىق ونىمدەردىڭ بولشەك ساۋدا باعاسى ءبىر ايدا 1،7%-عا، جىل باسىنان بەرى 3،7%-عا جانە ءبىر جىلدا 5،8%-عا ءوستى.
جىلدىق ديناميكا بويىنشا باعا قىمباتشىلىعى شىمكەنت (پليۋس 12،1%)، اقمولا (پليۋس 10%) جانە الماتى (پليۋس 9،3%) وبلىستارىنىڭ تۇرعىندارىنىڭ قالتاسىنا ءتۇستى. ەڭ از باعا ءوسىمى پاۆلودار وبلىسىندا تىركەلدى – مۇندا جىلىنا نەبارى 2،9%-عا عانا قىمباتتاعان.
فارماسيەۆتيكالىق ونىمدەردىڭ ىشىندە جىل سايىنعى ديناميكا بويىنشا حيلاك فورتە (پليۋس 47،9%)، اسيكلوۆير (پليۋس 18،1%)، ەتيل ءسپيرتى (پليۋس 13،6%)، «برونحيكۋم-س» جوتەل ءشارباتى (پليۋس 10%)، «رەنني» (پليۋس 10%)، «ەسسەنسيالە فورتە ن» (پليۋس 9،8%) سياقتى پرەپاراتتاردىڭ باعاسى قاتتى قىمباتتاعانى بايقالدى. سونىمەن قاتار نۋروفەن، پاراسەتامول، فەنيستيل نيۋ تامشىلارى، ەناپ، ازيتروميسين، سمەكتا ۇنتاعىنىڭ باعاسى ارزاندادى.
