گەوساياسي جاعدايعا بايلانىستى بايقاۋ ۇلىبريتانيادا ۇيىمداستىرىلماق
«ەۆروۆيدەنيە - 2023» ۇلىبريتانيانىڭ ليۆەرپۋل قالاسىندا وتەتىن بولدى. بۇل تۋرالى ءبي-بي-سي-دىڭ تىكەلەي ەفيرىندە جۇرگىزۋشى گرەم نورتون ءمالىم ەتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
«ەۆروۆيدەنيە - 2023» وسىنىڭ الدىڭعى كونكۋرستا جەڭىمپاز اتانعان ۋكراينا ەلىندە ءوتۋى ءتيىس ەدى. قازىرگى گەوساياسي جاعدايعا بايلانىستى بايقاۋدى ۇلىبريتانيادا ۇيىمداستىرۋ شەشىمى قابىلداندى. سەبەبى بريتان ءانشىسى سەم رايدەر «ەۆروۆيدەنيە – 2022»-دە ەكىنشى ورىن العان بولاتىن.
بۇعان دەيىن ۇلىبريتانيادا «ەۆروۆيدەنيە» 8 رەت ءوتتى. سوڭعىسى رەت كونكۋرستى 1998 جىلى بيرمينگەم قالاسى قابىلدادى.
ليۆەرپۋل – «بيتلز» وتانى. قالانىڭ مۋزىكالىق تاريحى اسا باي. جىل سايىن مۇندا مىڭداعان شەتەلدىك تۋريست كەلەدى. «ەۆروۆيدەنيە – 2023» كەزىندە قالا الەم نازارىندا بولادى. سەبەبى شوۋدى تىكەلەي ەفيردە 160 ملن استام ادام تاماشالايدى.
«ەۆروۆيدەنيە» M&S Bank Arena پورتتىق ارەنادا وتەدى. ول 11 مىڭنان استام كورەرمەن سىيدىرا الادى.