جۇڭگو بۇگىن سارى تەڭىزدەگى ۇشىرىلىم پلاتفورماسىنان ەكسپەريمەنتتىك ەكى سپۋتنيك ۇشىردى، دەپ حابارلايدى Almaty-akshamy.kz Inform.kz-كە سىلتەمە جاساپ.
LEO سپۋتنيك ناۆيگاسياسىن كۇشەيتۋ جۇيەسىمەن جابدىقتالعان CentiSpace-S5/S6 ەكسپەريمەنتتىك سپۋتنيكتەرى «چانچجەن-11» زىمىران تاسىعىشىنىڭ كومەگىمەن بەيجىڭ ۋاقىتى بويىنشا 21:10-دا ۇشىرىلدى. ودان كەيىن ولار بەلگىلەنگەن وربيتاعا ءساتتى شىقتى.
ۇشىرىلعان سپۋتنيكتەر ناقتى ۋاقىت رەجيمىندە ناۆيگاسيا سپۋتنيكتەرىنىڭ جاھاندىق جۇيەسىنىڭ جاي-كۇيىن باقىلاۋ ءۇشىن قولدانىلادى. سونىمەن قاتار، ولار ناۆيگاسيالىق ينفراقۇرىلىم سيگنالىنىڭ دالدىگىن ارتتىرۋ مۇمكىندىگىن تەكسەرەدى جانە سپۋتنيكتەر اراسىندا لازەرلىك بايلانىستاردى سىناقتان وتكىزەدى.
بۇل ۇشىرىلىم – «چانچجەن» سەرياسىنداعى زىمىران تاسىعىشتارى ءۇشىن 441-ۇشىرىلىم.