اۆستريادا وتكەن زياتكەرلىك جارىستا قازاقستاندىق قاتىسۋشىنىڭ باعى جاندى
پاۆلودار قالاسىنداعى كوللەدجدىڭ تۇلەگى دينا افاناسيەۆا «ەuroskills Graz 2021» ەۋروپا چەمپيوناتىندا قولا مەدال جەڭىپ الدى، دەپ حابارلايدى Almaty-akshamy.kz.
ول ۇلتتىق قۇراما ساپىندا زياتكەرلىك جارىسقا قاتىسىپ، «ۆەب-ازىرلەۋ» باعىتى بويىنشا جۇلدەلى ءۇشىنشى ورىنعا يە بولدى.
وسى جىلى ەۋروپا چەمپيوناتىندا شامامەن وتىز مەملەكەتتەن كەلگەن ءتورت جۇزدەن استام قاتىسۋشى ب ا ق سىنادى. چەمپيونات ەكى جىلدا ءبىر رەت ۇيىمداستىرىلادى. 2021 جىلى جارىس اۆسترياداعى گراس قالاسىندا ءوتتى.
ايتا كەتەتىنى، دينا - Worldskills Kazakhstan-2019 رەسپۋبليكالىق چەمپيوناتىنىڭ جەڭىمپازى جانە Worldskills Kazakhstan ۇلتتىق قۇراماسىنىڭ مۇشەسى. 2020 جىلى دينا First Virtual Skill Competition on Web Technologies ي Second Virtual Skill Competition on Web Technologies چەمپيوناتىندا ءۇشىنشى ورىنعا يە بولدى. سونداي-اق وتكەن جىلى قاشىقتان وتكەن Worldskills Eurasia-2020 چەمپيوناتىندا قازاقستاننىڭ نامىسىن قورعاپ، التىن مەدالدى يەلەندى. 2021 جىلدىڭ قاڭتارىندا دينا قاشىقتان وتكەن «The 1st Unofficial European Web Development Competition 2021» چەمپيوناتىنا قاتىسىپ، قازاقستان قورجىنىن التىنمەن تولىقتىردى.
قازاقستان ۇلتتىق قۇراماسى چەمپيوناتقا «مەحاترونيكا»، «دانەكەرلەۋ تەحنولوگيالارى»، «قۇرعاق قۇرىلىس جانە سىلاق جۇمىستارى»، «ۆەب-ازىرلەۋ» جانە «شاشتاراز ونەرى» سىندى 5 باعىت بويىنشا قاتىستى.