تارازدا تەراكت كەزىندە قازا تاپقان «حالىق قاھارمانى» عازيز بايتاسوۆقا ارنالعان ەسكەرتكىش تاقتا الماتىدا اشىلدى
قارۋلى لاڭكەستى ۇستاۋ كەزىندە ەرلىكپەن قازا تاپقان پوليسيا قىزمەتكەرى عازيز بايتاسوۆتىڭ ەسىمىن ەل ەسىندە ماڭگىلىككە ساقتاۋ ماقساتىندا ەلىمىزدە كوپتەگەن شارالار اتقارىلدى. باتىر ۇلعا «حالىق قاھارمانى» اتاعى بەرىلىپ، جەر-جەرلەردە ع.بايتاسوۆقا ارنالعان ەسكەرتكىش تاقتالار اشىلدى، دەپ حابارلايدى Almaty-akshamy.kz.
"ەگەمەن قازاقستان" باسىلىمى سايتىنىڭ اقپاراتى بويىنشا، اتالعان وقيعاعا بيىل 10 جىل بولعان. سوعان وراي ماقان ەسبولاتوۆ اتىنداعى الماتى اكادەمياسىندا «حالىق قاھارمانى» عازيز بايتاسوۆقا ارنالعان بۇرىشتاما تاقتا اشىلدى. وعان باتىردىڭ جۇبايى ارنايى شاقىرىلدى.
الماتى اكادەمياسىنىڭ باسشىسى ايدار سايتبەكوۆ پەن مارقۇمنىڭ جۇبايى گۇلجامال ماحامبەت قىزى بۇرىشتاما تاقتانى سالتاناتتى تۇردە اشتى.
جاڭا اشىلعان بۇرىشتاماعا وركەستر اۋەنىمەن گۇل قويۋ ءراسىمى ءوتتى. اكادەميا عيماراتىندا ەكسكۋرسيا ۇيىمداستىرىلىپ، كلۋبتا وقىتۋشى-پروفەسسورلىق قۇراممەن، كۋرسانتتارمەن كەزدەسۋ وتكىزىلدى. عازيز بايتاسوۆتىڭ ەرلىگى جايلى دەرەكتى فيلم كورسەتىلدى.