قازاقستاندىقتار «قايرات» فۋتبول كلۋبىنىڭ ماسكا تاققان جاۋىنگەر بەينەلەنگەن باننەرىن تالقىلاپ جاتىر. ونى الماتىنىڭ ورتالىق ستاديونىنىڭ 51-سەكتورىنداعى جانكۇيەرلەر جاساعان.
قايرات-ۋلتراس، ياعني الماتىلىق كلۋبتىڭ جانكۇيەرلەرىنىڭ ەڭ بەلسەندى توبى، باننەردىڭ يدەياسى قالاي پايدا بولعانىن ايتتى.
«بۇل يدەيا ۇلى تاريحتان شابىت الدى: قىپشاقتار ەۋروپاعا شاپقىنشىلىق جاساعاندا، ءىزى قالاتىن. بۇگىندە «قايرات» سول جولدى جالعاستىرىپ كەلەدى — اتا-بابامىزدىڭ كۇشى مەن ءداستۇرىنىڭ مۇراگەرى. ەۋروكۋبوكتاردان بۇرىن-اق ءبىز ەۋروپاعا كىرگەنبىز، ولار العا جىلجىپ، ءوز ءىزىن قالدىردى»، — دەدى kairat.ultras وكىلدەرى.
Threads جەلىسىندە @daniyar_zhabayev
فۋتبول فاناتتارى «قايراتپەن» بىرگە، كلۋبتىڭ سارى-قارا تۇستەرىمەن ەۋروپاعا قايتا ورالاتىنىن قوستى.
«بۇل – ح–ءحىىى عاسىرلاردا ەۋرازيا كوشپەندىلەرى قولدانعان قىپشاق ماسكا-دۋلىعاسى. مۇنداي مەتالل ماسكالار بەتتى جاۋىپ، تەك كوز بەن اۋىزعا ويىق قالدىراتىن. ولار تەك قورعانىس قۇرالى عانا ەمەس، كۇشتىڭ، جاۋدى قورقىتۋ سيمۆولى دا بولعان»، – دەپ جازدى Threads جەلىسىندە @daniyar_zhabayev اتتى قازاقستاندىق.