ەۋروپادا ەپيداحۋال شيەلەنىسە ءتۇستى

ۇلىبريتانيادا ءبىر كۇندە 45 مىڭعا جۋىق ادامنان ۆيرۋس انىقتالدى

ۇلىبريتانيا ۇكىمەتى سوڭعى تاۋلىكتە SARS-COV-2 ينفەكسياسى تۋرالى مالىمەتتەردى جاريالادى. ەلدە 44 985 ادامنان كوروناۆيۋرس انىقتالدى، وسىلايشا ۆيرۋس تاسىمالداۋشىلاردىڭ جالپى سانى 8 734 934-كە جەتتى، دەپ حابارلايدى Almaty-akshamy.kz  Covid-19 تارالۋىنا جول بەرمەۋ جونىندەگى ۆاك-قا سىلتەمە جاساپ.

ەپيدەميولوگيالىق جاعدايعا بايلانىستى پرەمەر-مينيستر بوريس دجونسون ازاماتتاردى دەرەۋ ۆاكسينا الۋعا جانە ريەۆاكسيناسيادان وتۋگە شاقىردى. ول بريتاندىقتاردىڭ كوروناۆيرۋسپەن كۇرەستە «فەنومەنالدى پروگرەسكە» قول جەتكىزگەنىن اتاپ ءوتىپ، ۆاكسينانىڭ قورعاۋ قابىلەتى التى ايدان كەيىن السىرەۋى مۇمكىن ەكەنىن ەسكە سالدى. ۇلىبريتانيادا 50 جاستان اسقان تۇرعىندار، مەديسينا قىزمەتكەرلەرى، قارتتار ءۇيىنىڭ قىزمەتكەرلەرى، سوزىلمالى اۋرۋى بار ادامدار سovid-19-عا قارسى ۇدەتكىش ۆاكسيناسيا جاساۋى قاجەت.

ال، ۋكراينادا كوروناۆيرۋس تولقىنى السىرەمەي تۇر. وتكەن تاۋلىكتە ينفەكسيانىڭ 23 229 جاڭا راستالعان جاعدايى انىقتالدى جانە 483 ناۋقاس قايتىس بولدى، دەپ حابارلايدى ەلدىڭ دەنساۋلىق ساقتاۋ مينيسترلىگى. سونىڭ سالدارىنان SARS-CoV-2 تاسىمالداۋشىلارىنىڭ جالپى سانى پاندەميا باستالعاننان بەرى 2 748 614 ادامعا جەتتى، ال ءولىم جاعدايلارىنىڭ سانى 63 486 بولدى. 

ايتا كەتۋ كەرەك، ەلدە يممۋنداۋ تومەن قارقىنمەن ءجۇرىپ جاتىر. ءبىرىنشى دوزامەن ۆاكسيناسيالانعانداردىڭ سانى - 8 890 452 نەمەسە 21،5 %، ۆاكسيناسيانىڭ تولىق كۋرسىن 6 963 577 ازامات ءوتتى. قازىرگى ۋاقىتتا ۋكراينادا 43 ميلليوننان استام ادام تۇرادى.