اعزا بۇيرەكتى تولىعىمەن قابىلداعان
اقش-تاعى NYU Langone Health مەديسينالىق ورتالىعىنىڭ دارىگەرلەرى الەمدە العاش رەت ادامعا دوڭىزدىڭ بۇيرەگىن ترانسپلانتاسيالادى، دەپ حابارلايدى Almaty-akshamy.kz Baq.kz اگەنتتىگىنە سىلتەمە جاساپ.
Reutersء-تىڭ مالىمەتىنشە، اعزا جاساندى تىنىس الۋ اپپاراتىندا جاتقان، ميى ولگەن ايەل ادامعا سالىنعان. ورگانيزم اعزانى قابىلداماۋ ءقاۋپىن ازايتۋ ءۇشىن دارىگەرلەر گەنەتيكالىق تۇرلەندىرىلگەن جانۋاردى قولدانعان.
ەكسپەريمەنتتىك وپەراسيا اياسىندا حيرۋرگ ماماندار دوڭىزدىڭ بۇيرەگىن دەنەدەن تىس ءىرى قانتامىرلارعا بەكىتىپ، ونى 54 ساعات بويى باقىلاعان.
مامانداردىڭ ايتۋىنشا، بۇيرەك قالىپتى جۇمىس ىستەگەن: قالدىقتاردى ءسۇزىپ، نەسەپ بولگەن. زەرتتەۋگە جەتەكشىلىك ەتكەن ترانسپلانتولوگ روبەت مونتگومەري دارىگەرلەر توبى اعزانىڭ بۇيرەكتى قابىلداماۋىن بايقاماعانىن العا تارتتى. سونداي-اق ول رەسيپيەنتتە بۇرىن بايقالعان شەكتەن تىس كرەاتينين دەڭگەيى ترانسپلانتاسيادان سوڭ قالىپقا كەلگەنىن ايتتى.