قاڭتار ايىندا ەۋروپادا كوروناۆيرۋستىڭ «وميكرون» شتامىنا شالدىعۋشىلار سانى ارتاتىنى بولجانىپ وتىر.
بريتانيادا پاندەميا باستالعالى ۆيرۋستى جۇقتىرۋ وقيعالارىنىڭ رەكوردتىق سانى تىركەلدى، دەپ حابارلايدى Almaty-akshamy.kz سoronavirus2020.kz-كە سىلتەمە جاساپ
Pfizer كومپانياسى كوۆيدتى ەمدەۋگە ارنالعان جاڭا ءدارى شىعاردى. ەۋروپا 5-11 جاس ارالىعىنداعى بالالارعا ۆاكسينا سالۋعا دايىندىق جۇرگىزۋدە. ۋكراينا ىندەتكە قاتىستى شەكتەۋلەردى تاعى ءۇش ايعا سوزدى.
ەرۋوكوميسسيا باسشىسى ۋرسۋلا فون دەر ليايەن كوروناۆيرۋستىڭ «وميكرون» نۇسقاسىنىڭ قاڭتار ايىندا ەۋروپادا باسىم بولاتىنىن ەسكەرتتى. بۇل رەتتە ول ەۋرووداق ەلدەرىندە ۆيرۋسپەن كۇرەس جۇرگىزۋ ءۇشىن ۆاكسينا جەتكىلىكتى ەكەنىن اتاپ ءوتتى. «اۋرۋعا شالدىعۋدىڭ جاڭا وقيعالارىنىڭ سانى ءاربىر ەكى نە ءۇش كۇن سايىن ەسەلەنىپ كەلەدى جانە بۇل ۇلكەن كورسەتكىشتەر. عالىمداردىڭ ايتۋىنشا، قاڭتاردىڭ ورتاسىنا قاراي «وميكرون» ەۋروپادا جاڭا دومينانتتى نۇسقا بولاتىنىن كۇتۋگە بولادى»، - دەدى فون دەر ليايەن ەۆروپارلامەنتكە. دۇنيەجۇزىلىك دەنساۋلىق ساقتاۋ ۇيىمى (ددسۇ) كوروناۆيرۋستىڭ جاڭا نۇسقاسىنىڭ الەمدە ۇلكەن قارقىنمەن تارالىپ وتىرعانىن ەسكە سالۋدا. "وميكروندى" جۇقتىرۋ وقيعالارى 77 ەلدە راستالدى. وسى ارادا، اقش-تا كوروناۆيرۋس جۇقتىرىپ قايتىس بولعان ادامدار سانى 800 مىڭنان اسقان – بۇل الەم بويىنشا ەڭ جوعارى كورسەتكىش. «وميكرون» بەلگىلەرى وزگە نۇسقالارعا ۇقسامايدى وكسفورد ۋنيۆەرسيتەتىنىڭ پروفەسسورى دجون بەلل «وميكرون» بەلگىلەرىنىڭ كوروناۆيرۋستىڭ باسقا نۇسقالارىنان ەرەكشەلەنەتىنىن ايتۋدا. ونىڭ سوزىنشە، ۆيرۋستىڭ بۇل نۇسقاسىنا شالدىققان ادامداردىڭ بۇلشىق ەتى، اسىرەسە ارقاسى اۋىرىپ، مۇرنى بىتەلەدى، اسقازانى قابىنىپ، ءىشى وتەدى. ميالگيا، ياعني بۇلشىق ەتتىڭ اۋىرۋى – جاڭا نۇسقانىڭ ەرەكشە بەلگىسى، دەنساۋلىق ساقتاۋ سالاسىنىڭ قىزمەتكەرلەرى مۇنىڭ سەبەبىن ازىرگە تۇسىنە الماي وتىر. د. بەلل «وميكروننىڭ» بەلگىلەرى جايلى تۇسىنىك بولعانىمەن، ونىڭ باسقا ەرەكشەلىكتەرىن ءالى دە انىقتاۋ قاجەت ەكەنىن ايتۋدا.
Pfizer كوۆيدتى ەمدەۋگە ارنالعان جاڭا ءدارى شىعاردى. Pfizer كومپانياسى كوروناۆيرۋس سالدارىن ەمدەۋگە ارنالعان جاڭا Paxlovid پرەپاراتىنىڭ تيىمدىلىگىن مالىمدەدى. پرەپارات ءقاۋىپ توبىنداعى ادامدار اراسىندا اۋرۋحاناعا جاتۋ جانە ءولىم جاعدايلارىن 90 پايىزعا ازايتتى. تەستىلەۋگە 2،2 مىڭنان ارتىق ۆولونتەر قاتىسقان. الىنعان مالىمەت قاراشا ايىندا جاريالانعان ناتيجەنى راستاپ شىعاردى. كومپانيا بىردە-بىر ەلدە قولدانۋعا رۇقسات ەتىلمەگەن پاكسلوۆيد پرەپاراتى زەرتحانالىق سىناقتا كوروناۆيرۋستىڭ «وميكرون» نۇسقاسىنا قارسى تيىمدىلىگىن تانىتا العانىن مالىمدەدى. پاكسلوۆيد ەكى پرەپارات - جاڭا تاجىريبەلىك ءدارى نيرماترەلۆير مەن ايتۆ-عا قارسى قولدانىلاتىن ۆيرۋسقا قارسى ريتوناۆير پرەپاراتتارىنىڭ قوسىندىسى. بۇل ءدارىنى بەس كۇن قابىلداۋ قاجەت. تاعى ءبىر پرەپارات - Merck كومپانياسى شىعارعان مولنۋليراۆير ۇلىبريتانيادا قولدانۋعا رۇقسات ەتىلگەن. الايدا زەرتتەۋ قورىتىندىلارى ءمولنۋليراۆيردىڭ اۋرۋحاناعا جاتقىزۋ جانە ءولىم وقيعالارىنىڭ سانىن نەبارى 30 پايىزعا تومەندەتكەنىن كورسەتتى، ونى قولدانۋ قاۋىپسىزدىگىنە دە قاتىستى سۇراقتار تۋىنداعان. وعان قاراعاندا، Pfizer كومپانياسى شىعارعان پرەپاراتتىڭ ناتيجەلىلىگى كوپ.
يتاليا ەلگە كىرۋ ەرەجەلەرىن كۇشەيتتى. يتاليا بەيسەنبىدەن باستاپ ەو-نىڭ باسقا ەلدەرىنەن كىرۋ ەرەجەلەرىن كۇشەيتەدى. ەندى ەلگە كىرمەك بولعان ادامدار كوروناۆيرۋسقا تەست تاپسىرىپ، ۆاكسينا الماعاندار بەسكۇندىك كارانتينگە جاتقىزىلادى. بۇعان دەيىن يتالياعا ەو ەلدەرىنەن كەلۋشىلەر ۆاكسينا تۋرالى كۋالىك، ساۋىققانى نەمەسە كوروناۆيرۋسقا قارسى تەست تاپسىرعانىن راستايتىن انىقتاما ۇسىنىپ كەلگەن. ۆاكسينا الماعان ساياحاتشىلار كارانتيندە وقشاۋلانادى، ەكپە سالدىرتقاندار تەستىڭ تەرىس ناتيجەلەرىن ۇسىنۋى ءتيىس. جاڭا شارالار مەرزىمى - 16 جەلتوقسان مەن 31 قاڭتار ارالىعى.
ەۋروپا بالالارعا ۆاكسينا سالا باستايدى. سارسەنبى كۇنى ەۋروپانىڭ بىرنەشە مەملەكەتى 5-11 جاس ارالىعىنداعى بالالارعا ۆاكسينا سالا باستادى. بۇل شارا ۆيرۋستىڭ «وميكرون» نۇسقاسىنىڭ جىلدام تارالۋى جاعدايىندا مەكتەپتەردىڭ جابىلىپ قالماۋى ماقساتىمەن جۇرگىزىلۋدە. گەرمانيا، يسپانيا، گرەكيا جانە ۆەنگريا كىشى جاستاعى بالالارعا ەكپە سالا باستادى. دارىگەرلەر ۆاكسينانىڭ اتا-انالار تاراپىنان ۇلكەن سۇرانىسقا يە بولعانىن ايتىپ وتىر. گرەكيانىڭ ءبىلىم ءمينيسترى نيكي كەرامەۋس كىشكەنتاي بالاسىنا ۆاكسينا سالدىرتۋ ءۇشىن افينالىق اۋرۋحاناعا العاشقىلاردىڭ قاتارىندا كەلگەن. بۇگىندە ەلدە 30 مىڭنان استام بالا ەكپە الۋعا جازىلعان. «وميكرون» جۇقتىرۋ وقيعالارىنىڭ كوپ سانى تىركەلگەن دانيا مەن اۆستريانىڭ كەيبىر ايماقتارىندا كىشى جاستاعى بالالارعا ەكپە سالدىرتۋ ۇسىنىسى قاراشادا تۇسكەن. ءىرى ەلدەر اراسىندا بالالارعا ەكپە سالدىرتقان – قۇراما شتاتتار، بۇگىندە ەلدە 5-11 جاس ارالىعىنداعى بەس ميلليوننان استام بالاعا ۆاكسينا ەگىلدى. گەرمانيانىڭ كەيبىر قالالارىندا بالالارعا ەكپەنى مۇراجايلار مەن حايۋاناتتار باعىندا سالۋ جوسپارلانىپ وتىر، باسقالارىندا مەكتەپ سىرتىنداعى موبيلدىك بريگادالار قۇرىلماق. يسپانيادا 5-11 جاس ارالىعىنداعى بالالارعا ەكپە سالۋ ناۋقانى باستالۋدا – بۇل توپقا شامامەن 3،3 ميلليون ادام كىرىپ وتىر. ەۋروپانىڭ ءبىرقاتار ەلدەرى، سونىڭ ىشىندە يتاليا، پورتۋگاليايا، پولشا، بالتىق ەلدەرى جانە چەەحيا وسىعان ۇقساس ناۋقانداردى الداعى كۇندەرى ىسكە اسىرماق. ۋكراينا كوۆيدكە قاتىستى شەكتەۋلەردى تاعى ءۇش ايعا سوزدى ۋكراين ۇكىمەتى پاندەمياعا بايلانىستى شەكتەۋلەردى جەلتوقسان سوڭىنان باستاپ تاعى ءۇش ايعا – 31 ناۋرىزعا دەيىن سوزادى. بۇعان ەلدە ۆاكسينالاۋدىڭ تومەن دەڭگەيى سەبەپ بولۋدا. بۇل تۋرالى سارسەنبى كۇنى ەلدىڭ پرەمەر-مينيسترى دەنيس شمىگال ءمالىم ەتتى. ونىڭ تۇسىندىرۋىنشە، بۇل كوپشىلىك ورىندارعا كوۆيد-سەرتيفيكاتتارمەن كىرۋ، ماسكا تاعۋ جانە قاشىقتىقتى ساقتاۋ ەرەجەلەرى ءوز كۇشىندە قالاتىنىن بىلدىرەدى. پرەمەر شەكتەۋلەردىڭ ەلدەگى تۇرعىنداردىڭ 70 پايىزى ۆاكسينا سالدىرتپايىنشا ساقتالاتىنىن قوسىپ ءوتتى. ۋكراينا دەنساۋلىق ساقتاۋ مينيسترلىگىنىڭ مالىمەتىنشە، ەلدەگى 41 ملن حالىقتىڭ 12،6 ميلليونى عانا كوۆيدكە قارسى ۆاكسينانىڭ ەكى دوزاسىن سالدىرتقان، بۇل رەتتە اۋرۋ جۇقتىرۋدىڭ 3،6 ملن وقيعاسى مەن 92 مىڭعا جۋىق ءولىم وقيعاسى تىركەلدى.