ءىس-شارانىڭ ماقساتى – ۇلتارالىق جانە كونفەسسياارالىق كەلىسىم مەن تاتۋلىق
«ەۋروپا-ازيا» حالىقارالىق بەيبىتشىلىك جانە كەلىسىم شەرۋى الماتىعا كەلدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
ايدىڭ باسىندا نۇر-سۇلتاننان باستاۋ العان مارش قاراعاندى جالعاستى. بۇگىن الماتىعا تابان تىرەپ، دوڭگەلەك ۇستەل وتكىزدى. وسىلايشا 3 مەملەكەتتىڭ 16 قالاسىن ارالاۋعا نيەتتى جاندار بۇل شەرۋدىڭ ءمانى مەن ماڭىزىن ايتىپ بەردى. ءىس-شارانىڭ باستى ماقساتى – ۇلتارالىق جانە كونفەسسياارالىق كەلىسىم مەن تاتۋلىق.
«يسلام شاريعاتىندا «قۇلسي» دەگەن حاديس بار. وندا «ەي ادامداردىڭ ۇرپاعى بەيبىتشىلىكتە، كەلىسىمدە ءومىر سۇرىڭدەر» دەلىنگەن. «يسلام» دەگەن ءسوزدىڭ ماعىناسى – اماندىق بولۋ، جۇرتقا اماندىق تىلەۋ، سالەمدىك، سالاماتتىق دەگەندى بىلدىرەدى. ياعني وسى بەيبىتشىلىك مارشى ارقىلى بەيبىتشىلىكتىڭ ماڭىزدىلىعىن تۇسىنسە ەكەن دەگەن ويدامىز»، – دەدى «زاريا ۆوستوكا» مەشىتىنىڭ باس يمامى قازىبەك احمەتوۆ.