الماتىدا جەرگە كومىلگەن قارۋ-جاراق پەن وق-دارىلەر تابىلدى

بارلىق تەرگەۋ ارەكەتتەرى جۇرگىزىلىلۋدە

الماتىنىڭ مەدەۋ اۋدانىندا كومىلگەن قارۋ-جاراقتار تابىلدى، دەپ حابارلايدى Almaty-akshamy.kz. الماتى قالالىق پوليسيا دەپارتامەنتىنەن حابارلاعانداي، پوليسيا دەپارتامەنتىنىڭ ەكسترەميزمگە قارسى ءىس-قيمىل باسقارماسىنىڭ قىزمەتكەرلەرىنە قارۋ-جاراق جاسىرىلعان ورىن بەلگىلى بولدى. ق ر ۇلتتىق قاۋىپسىزدىك كوميتەتى دەپارتامەنتىنىڭ قىزمەتكەرلەرىمەن بىرلەسكەن جەدەل تەكسەرىس بارىسىندا، ساحارييەۆ كوشەسىنىڭ ماڭىندا جىراعا قاراي تۇسەردە، اعاشتاردىڭ اراسىنان اق قاپشىققا سالىنعان قارۋ-جاراق پەن وق-دارىلەر تابىلدى. پوليسيا قىزمەتكەرلەرى 12 كاليبرلى تەگىس ۇڭعىلى 2 مىلتىق، 12 كاليبرلى تەگىس ۇڭعىلى «ماكاروۆ» تاپانشاسى، «فورت 17ت» ماركالى تراۆماتيكالىق تاپانشا، رگد – 5 گراناتالارى، 13 دانا 12 كاليبرلى پاتروندار، 9 مم پاتروندار – 15 دانا، قۋاتتاندىرعىشى بار «Kirisun» راسياسىن تاركىلەدى. «بارلىق تاركىلەنگەن زاتتار ساراپتاماعا جىبەرىلدى. اتالعان دەرەك مەدەۋ اۋداندىق پوليسيا باسقارماسىندا ق ر قىلمىستىق كودەكسىنىڭ 287- بابىنىڭ 3-بولىگى بويىنشا تىركەلدى. بارلىق تەرگەۋ ارەكەتتەرى جۇرگىزىلگەن سوڭ، ارسەنالدىڭ كىمدىكى جانە قايدان شىققانى بەلگىلى بولادى»،- دەپ حابارلادى پوليسيادا.