ەۋرووداقتا بالالاردىڭ 25 پايىزى كەدەيلىك شەگىندە ءومىر ءسۇرىپ جاتىر.
Save the Children ۇكىمەتتىك ەمەس ۇيىمى ەۋرووداقتا كەدەيلىك شەگىندە تۇرعان بالالاردىڭ سانى 2021 جىلى 200 مىڭعا ارتىپ، 19،6 ميلليونعا جەتكەنىن مالىمدەدى، دەپ حابارلايدى اlmaty-akshamy.kz Euronews اگەنتتىگىنە سىلتەمە جاساپ.
7 ناۋرىزدا جاريالانعان باياندامادا ەۋرووداقتاعى ءار ءتورتىنشى بالا 2021 جىلدىڭ سوڭىندا ءومىر قۇنى، كليمات داعدارىسى مەن COVID-19 سىندى فاكتورلاردىڭ قوسىلىپ، كوپتەگەن وتباسىنىڭ كىرىسى تومەندەۋى سالدارىنان كەدەيلىك شەگىنە جەتىپ، الەۋمەتتەن وقشاۋلانىپ قالدى.
Save the Children Germany ۇيىمىندا بالالار كەدەيلىگى مەن الەۋمەتتىك تەڭسىزدىك ماسەلەلەرىمەن اينالىساتىن ەريك گروسحاۋس مۇنداي ساندى «اپاتتىق» دەپ اتاپ، ەۋرووداقتاعى كەدەيلىكتە ءومىر ءسۇرىپ جاتقان بالالاردىڭ 10%-نان كوبى تيەسىلى گەرمانيانى «ۋادەلەرىن ورىنداۋعا» شاقىردى.
كەدەيلىك ءقاۋپى ءتونىپ تۇرعان، كورسەتكىشى ەڭ جوعارى ەلدەر رۋمىنيا مەن يسپانيا بولىپ شىقتى: 41،5% جانە 33،4%. ەڭ تومەنگى كورسەتكىش فينليانديا مەن سلوۆەنيادا تىركەلدى.
زەرتتەۋشىلەر جاڭا دەرەكتەردى جيناقتاعان كەي ەلدەردەگى جاعداي رەسەي ۋكرايناعا باسىپ كىرگەننەن كەيىن جانە ونىڭ جاعىمسىز سالدارىنان (ازىق-تۇلىك پەن ەنەرگيانىڭ قىمباتتاۋى) سوڭ ودان سايىن ناشارلاپ كەتكەن.
ماسەلەن، ۇيىمنىڭ ەسەپتەۋىنشە، 2022 جىلى 40% رۋمىن ءۇي شارۋاشىلىعىنىڭ تابىسى الدىڭعى جىلمەن سالىستىرعاندا تومەندەگەن، ال شىعىنى 98%-عا كوبەيگەن.
اسىرەسە ميگرانت-بالالار، بوسقىندار مەن باسپانا سۇراۋشىلار زارداپ شەگىپ وتىر. سونداي-اق تولىق ەمەس وتباسى، كوپبالالى وتباسى مەن مۇمكىندىگى شەكتەۋلى بالالار ءقاۋىپ توبىندا تۇر.
بالالارعا ارنالعان ەۋروپالىق كەپىلدىك – ءوسىپ كەلە جاتقان تەڭسىزدىك ماسەلەسىن شەشەتىن جانە ميلليونداعان بالانىڭ جارقىن بولاشاعىن قامتاماسىز ەتەتىن كىلت.
«ۇكىمەت بۇل تەتىكتى بالالار كەدەيلىگىمەن كۇرەسۋ ءۇشىن تولىقتاي قولدانىپ جاتقانىنا سەنىمدى بولۋى كەرەك»، - دەپ مالىمدەدى Save the Children ۇيىمىنىڭ ەۋروپالىق بولىمشەسىنىڭ ديرەكتورى.