اشىمبايەۆ: بۇل – مەيىرىمنىڭ، ادەمىلىكتىڭ جانە نازىكتىكتىڭ مەرەكەسى

پارلامەنت سەناتىنىڭ ءتوراعاسى ماۋلەن اشىمبايەۆ ايەلدەر قاۋىمىن 8 ناۋرىز – حالىقارالىق ايەلدەر كۇنىمەن قۇتتىقتادى، دەپ حابارلايدى اlmaty-akshamy.kz BAQ.KZ-كە سىلتەمە جاساپ.

اياۋلى ارۋلار! سىزدەردى حالىقارالىق ايەلدەر كۇنىمەن شىن جۇرەكتەن قۇتتىقتايمىن! بۇل كۇن – مەيىرىمنىڭ، ادەمىلىكتىڭ جانە نازىكتىكتىڭ مەرەكەسى. سوندىقتان ءدال وسى كۇنى انالارىمىزعا قۇرمەت كورسەتىپ، ارۋلارىمىز بەن قىزدارىمىزدى قۇتتىقتاۋعا اسىعامىز، - دەپ جازدى سەنات ءتوراعاسى Facebook پاراقشاسىندا.

ماۋلەن اشىمبايەۆ ەلدىڭ ىرىس-ىنتىماعىن ەسەلەۋ جولىندا بۇگىنگىدەي شۋاقتى مەرەكەنىڭ ماڭىزى زور ەكەنىن ايتتى.

ويتكەنى ءدال وسى كۇنى ىزگىلىك، سىيلاستىق، سۇيىسپەنشىلىك سياقتى دۇرىس قۇندىلىقتار دارىپتەلەدى. شىن مانىندە، مەملەكەتتىڭ ىلگەرى جىلجىپ، ەڭسە تىكتەۋىندە ايەلدەر قاۋىمىنىڭ الار ورنى ەرەكشە. تاريحىمىزدا دانالىعىمەن تانىلعان انالارىمىزدىڭ ءومىر جولى - سونىڭ ايقىن دالەلى. قازىرگى تاڭدا دا سىزدەر وتباسىنىڭ عانا ەمەس، تۇتاس ۇلتتىڭ ۇيىتقىسى رەتىندە بارلىق سالادا تابىستى ەڭبەك ەتىپ، تاۋەلسىز قازاقستاننىڭ وسىپ-وركەندەۋىنە ۇلكەن ۇلەس قوسىپ كەلەسىزدەر. مەملەكەت باسشىسىنىڭ باستاماسىمەن ىسكە اسىرىلىپ جاتقان ادىلەتتى قازاقستان قۇرۋ جولىندا دا ايەلدەردىڭ اقىل-پاراساتى مەن ەرىك-جىگەرى ماڭىزدى ءرول اتقارادى. بۇگىنگى مەيراممەن قۇتتىقتاي وتىرىپ، بارشاڭىزعا زور دەنساۋلىق، ۇزاق عۇمىر، وتباسىلارىڭىزعا باق-بەرەكە جانە جاڭا جەڭىستەر مەن جەتىستىكتەر تىلەيمىن! ءاردايىم كوكتەمدەي قۇلپىرىپ جۇرە بەرىڭىزدەر. مەرەكە قۇتتى بولسىن! - دەدى اشىمبايەۆ.