يسپانيا استاناسىندا ەۋروپا چەمپيوناتىنىڭ جەڭىمپازدارىنا ارنالعان اۋقىمدى كونسەرت ءوتتى. وعان مىڭداعان ادام قاتىستى، دەپ حابارلايدى اlmaty-akshamy.kz.
ەۋروپا چەمپيوناتىن ءتورتىنشى رەت ۇتقان يسپانيا قۇراماسى ەلىنە ورالدى. سودان كەيىن ەۋرو-2024ء-تىڭ جەڭىمپازدارى توبەسى اشىق اۆتوبۋسپەن ءمادريدتىڭ كوشەلەرىمەن ءجۇرىپ ءوتتى. ولارعا قوشەمەت كورسەتكەن جۇرتتا قيساپ جوق. كەيىننەن فۋتبولشىلار كورولدىك استاناسىنىڭ قاق جۇرەگىندەگى جەڭىس كونسەرتىنە قاتىستى. ەل تۋىنداي قىزىل-سارى كيگەن حالىق، تەڭىزدەي تولقىعان سيبەلەس الاڭى. وتكەن ءتۇنى بۇكىل يسپانيا شاتتاندى، ءان شىرقادى، بي بيلەدى.
وسى ۇلت ءۇشىن، يسپانيا ءۇشىن وسىنداي بولىپ قالا بەرەيىكشى. ءبىز قازىرگىدەي ءبىرتۇتاس بولساق، كۇشتىرەكپىز. جاساسىن يسپانيا! - دەدى يسپانيا قۇراماسىنىڭ باس جاتتىقتىرۋشىسىلۋيس دە لا فۋەنتە كاستيلو.
يسپانيا جەكسەنبىدە انگليانى 2-1 ەسەبىمەن جەڭدى. وعان ميكەل ويارزابال مەن نيكو ۋيليامستىڭ ارقاسىندا قول جەتتى. كونسەرتتە وسى ەكى ويىنشىعا قۇرمەت ەرەكشە كورسەتىلدى. ەۋروپا ءتۋرنيرىنىڭ ەڭ جاس فۋتبولشىسى اتانعان يامالعا دا قوشەمەت وتە زور. 17 جاستاعى يامال ماچتا ءجۇرىپ مەكتەپ ءبىتىردى.
تاعى ءبىر ايتا كەتەتىن جايت، ويىنشىلار چەمپيوندىق كۋبوكتى تۋرا بەرليندەگىلەي سيبەلەستە دە باسىنا كوتەردى.
ءبىزدىڭ جاقسى كوماندا ەكەنىمىزدى جوققا شىعارۋعا بولمايدى. جەتى كەزدەسۋدەن – جەتى جەڭىس. لايىقتىمىز ارينە، - دەدى فۋتبول جانكۇيەرى ميگەل ۆيزكاينو.
وسىلايشا جەرگىلىكتى تۇرعىنداردىڭ كەيبىرى قۇراما مۇشەلەرىنىڭ الۋاندىعىنا ريزا. ءبىرقاتار ساراپشىلاردىڭ ويىنشا مۇنداي ادامداردىڭ كوپتىگى تاريحى ايماقتىق جانە ۇلتارالىق شيەلەنىسكە تولى ەلدىڭ بىرلىگىن كۇشەيتۋگە ۇلكەن ۇلەس قوسا الادى.