اسسامبلەيانىڭ دەپۋتاتتىق مانداتتارىنىڭ ماڭىزى ارتا تۇسەدى. بۇل تۋرالى قازاقستان حالقى اسسامبلەياسىنىڭ كەزەكتى وتىز ءبىرىنشى سەسسياسىندا پرەزيدەنت قاسىم-جومارت توقايەۆ ءمالىم ەتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«جاڭا جاعدايدا اسسامبلەيا بۇرىنعىسىنشا بەيبىتشىلىك پەن كەلىسىمدەگى ءبىزدىڭ ساياساتتا بەرىك ينستيتۋسيونالدى تىرەك بولىپ قىزمەت ەتە بەرەدى دەپ سەنەمىن. بۇگىنگى سەسسيانىڭ ماقساتى – ساياسي جۇيەنىڭ رەفورماسىندا اسسامبلەيانىڭ ورنى مەن ءرولىن ايقىنداۋ، ونىڭ ارى قاراي دامۋىنىڭ ۆەكتورىن بەلگىلەۋ»، - دەدى پرەزيدەنت.
وسى ورايدا مەملەكەت باسشىسى جاڭا كەزەڭدە اسسامبلەياسى ءۇش نەگىزگى باسىمدىققا ەكپىن قويۋى ءتيىس ەكەنىن ايتتى.
«بىرىنشىدەن، ساياسي رەفورمالاردى جۇزەگە اسىرۋدا اسسامبلەيانىڭ ءرولىن كۇشەيتۋ. وزدەرىڭىز بىلەسىزدەر، بيلىكتىڭ زاڭنامالىق تارماعىن رەفوراماسى اياسىندا اسسامبلەيانىڭ اتىنان دەپۋتاتتار قازىرگىدەي ماجىلىستە ەمەس، سەناتتا بولادى. ماجىلىستە اسسامبلەيانىڭ كۆوتاسىن قىسقارتۋ دەموكراتيالىق سايلاۋ ستاندارتتارىن ساقتاۋعا قاتىستى ءبىرقاتار ماسەلەنى شەشەدى. سونىمەن بىرگە، اسسامبلەيا اتىنان كەلگەن سەناتورلار جالپىۇلتتىق ينتەگراسيا مەن ەتنومادەني ءارالۋاندىق نەگىزىندە قازاقستاننىڭ بارشا ەتنيكالىق توپتارى مۇددەلەرىنىڭ بارشا جيىنتىعىن كورسەتەدى. مۇنداي مودەل حالىقارالىق تاجىريبە مەن قازاقستاننىڭ پارلامەنتتىك جۇيەسىنىڭ ەرەكشەلىگىن ءتيىستى تۇردە تانىتادى»، - دەدى قاسىم-جومارت توقايەۆ.
پرەزيدەنتتىڭ ايتۋىنشا، جاڭا فۋنسيا مەن سەناتتىڭ ءرولىن ەسكەرە وتىرىپ، اسسامبلەيانىڭ دەپۋتاتتىق مانداتتارىنىڭ ماڭىزى ارتا تۇسەدى. سونىمەن قاتار، اسسامبلەيا سەنات دەپۋتاتتىعىنا كانديداتتاردى ىرىكتەۋدىڭ ءتيىمدى ءارى اشىق ءراسىمىن ازىرلەۋى كەرەك.
«وسى ماسەلەلەردىڭ بارلىعى «قازاقستان حالقى اسسامبلەياسى» تۋرالى جاڭارتىلعان زاڭدا كورىنىس تابۋى ءتيىس»، - دەدى مەملەكەت باسشىسى.