پرەمەر-مينيستردىڭ ورىنباسارى – ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا سەنات دەپۋتاتتارىنىڭ ساۋالىنا بەرگەن جاۋابىندا ەتونومادەني بىرلەستىكتەرگە قانشا گرانت ءبولىنىپ جۇرگەنىن ايتتى، دەپ حابارلايدى قازاقپارات ءتىلشىسى.
«قازاقستان حالقى اسسامبلەياسىنىڭ ەتنومادەني بىرلەستىكتەرى قوعامدىق بىرلەستىك رەتىندە تىركەلەدى جانە ۇكىمەتتىك ەمەس ۇيىم بولىپ ەسەپتەلەدى. ۇكىمەتتىك ەمەس ۇيىمداردى قارجىلاي قولداۋ قولدانىستاعى زاڭناما بويىنشا كونكۋرستىق نەگىزدە ىسكە اسىرىلادى. 2023 جىلى اقپارات جانە قوعامدىق دامۋ مينيسترلىگى گرانتتار ارقىلى قارجىلاندىرۋ اياسىندا 57 گرانت جوباسىن ىسكە اسىرادى. ولاردىڭ جالپى قۇنى 1،2 ملرد تەڭگە بولادى»، - دەپ جازادى تامارا دۇيسەنوۆا.
ۆيسە-پرەمەردىڭ مالىمەتى بويىنشا، 2022 جىلى 60 گرانت جوباسى جۇزەگە اسىرىلىپ، 1،96 ملرد تەڭگە جۇمسالعان.