ەلىمىزدە كيبەر قىلمىس سانى كوبەيمەسە، ازايار ەمەس.
بيىلعى التى ايدىڭ وزىندە 9500 زاڭبۇزۋشىلىق تىركەلگەن، دەپ حابارلايدى Almaty-akshamy.kz.
Qazaqstan.tv تاراتقان اقپاراتقا ساي، ينتەرنەتتەگى الاياقتىق اسىرەسە استانا، الماتى قالالارى مەن قاراعاندى وبلىسىندا كوپ.
ءقازىر ادامدارعا قاتىستى ماڭىزدى مالىمەتتەر، ەسەپشوت نومىرلەرى، جەكە پاراقشالار مەن پوشتالاردىڭ قۇپيا سوزدەرى - وسىنىڭ ءبارى دە جەلىدە تۇر. وسىنداي وتە قۇندى دۇنيەگە وڭاي قول جەتكىزۋگە وڭاي قول جەتكىزۋگە قىزىعۋدان الاياقتار مەن ونلاين ۇرىلار دا كوبەيىپ وتىر. ولار ءتۇرلى قۋلىقپەن مالىمەتتەردى قولىنا ءتۇسىرىپ، ءاپ ساتتە قالتانى قاعىپ تۇسىرەدى.
ونلاين الاياقتىقتىڭ كوپشىلىگى ينتەرنەتتەگى ساۋدا الاڭدارىندا جاسالادى. تانىمال كومپانيالاردىڭ اتىن جامىلعان جالعان سايتتار مەن كۇماندى سىلتەمەلەر دە ءقاۋىپتى. سول ارقىلى كوبىنە تولەم كارتاسى مەن قۇپيا ءسوزى قولدى بولادى. بانك قىزمەتكەرى بولىپ تەلەفون شالاتىندار دا ازايماي وتىر. بۇل قىلمىستىق سحەمانى كوپشىلىك جاقسى بىلسە دە، قارماققا ءتۇسىپ قالاتىندار بار.
«ءبىر جابىرلەنۋشىنىڭ 150 ميلليونداي دەپوزيتىندە اقشا بولعان. بانك قىزمەتكەرى رەتىندە تەلەفون شالعان. ءبىر اي بويى ول دەپوزيتتەگى اقشانى شەشىپ، ارنايى الاياق بەرگەن شوتقا جىبەرە بەرگەن. ءبىر اي ىشىندە نە ىشكى ىستەر ورگاندارىنا، نە ارنايى ادامداردان كەڭەس الماعان»، - ق ر ءىىم كيبەرقىلمىسقا قارسى كۇرەس ورتالىعىنىڭ اعا جەدەل ۋاكىلى قانىش اشجانوۆ.
ماماندار كيبەر قىلمىسكەرلەردىڭ قۇرىعىنا تۇسپەۋ ءۇشىن قاراپايىم ەرەجەلەردى ساقتاۋ كەرەك دەيدى.
ارزان تاۋاردىڭ جارنامالارىنا سەنە بەرۋگە بولمايدى. تەلەفونعا كەلگەن كۇماندى سىلتەمەلەردى اشپاعان ءجون. كۇدىك تۋدىرعان سايتتارعا جەكە دەرەكتەردى قالدىرۋعا بولمايدى. SMS ارقىلى كەلگەن جانە بانك قوسىمشاسىنىڭ قۇپيا ءسوزىن ەشكىم بىلمەۋى كەرەك. بەيتانىس ادامداردىڭ وتىنىشىمەن تەلەفونعا قوسىمشالاردى ورناتپاڭىز. كارتا بويىنشا ليميتتەر مەن شەكتەۋلەر قويعان ءجون. جانە قوسىمشالار مەن پاراقشالاردىڭ قۇپياسوزدەرىنە مۇقيات بولۋ كەرەك.
«پارول بىرىنشىدەن، ۇزىن بولۋى كەرەك، وڭاي بولماۋى كەرەك. ەكىنشىدەن، ونلاين تۇردە ساقتاماعان ءجون. ۇشىنشىدەن، بارلىق جەرگە بىردەي پارول قويماۋ كەرەك. بانكتەن حابارلاسىپ تۇرمىن دەگەندەر كوبەيىپ كەتتى عوي، سوڭعى ۋاقىتتا. ولارمەن كۇرەسۋدىڭ تاعى ءبىر امالى، تەلەفوندى قويىپ، ءوزىڭىز بانككە حابارلاسقان دۇرىس»، - دەيدى IT-مامان ازات ماقسات ۇلى.
ينتەرنەتتەگى قىلمىستىڭ باسىم كوپشىلىگى اشىلمايدى. بيىلعى 6 ايدىڭ وزىندە ەل ازاماتتارى 6 ملرد تەڭگەگە الدانىپ قالعان. سوندىقتان دا ءاردايىم ساق جۇرگەن ابزال.