وزگە ەلدەگى بۇل قانداستارىمىز - بيزنەس-يمميگرانتتار جانە سۇرانىسقا يە ماماندار.
ازاماتتىقتارى باسقا ەلدىكى بولعانىمەن، بۇل ەتنيكالىق قازاقتارعا قازاقستاندا 10 جىل ءومىر سۇرۋگە جانە جۇمىس ىستەۋگە قۇقىق بەرەتىن 55 «اتا جولى» كارتاسى بەرىلدى، دەپ حابارلايدى almaty-akshamy.kz.
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، جەرگىلىكتى اتقارۋشى ورگاندارعا «اتا جولى» كارتاسىن الۋعا بارلىعى 75 ءوتىنىم ءتۇستى. 2023 جىلى 44 كارتا: بيزنەس-يمميگرانتتارعا 20 كارتا جانە سۇرانىسقا يە ماماندارعا 24 كارتا بەرىلدى. بيىل 11 كارتا بەرىلدى: بيزنەسمەندەرگە 5 جانە سۇرانىسقا يە ماماندارعا 6 كارتا.
«اتا جولى» كارتاسىن العانداردىڭ اراسىندا ينجەنەر-فيزيك، ينجەنەر-ماتەماتيك، حيميالىق تەحنولوگتار، جاق-بەت حيرۋرگياسى دارىگەرلەرى، پەدياترلار جانە ت. ب. سياقتى ماماندار بار، ولار 15 ەلدەن كەلدى: رەسەي، جۇڭگو، اۋعانستان، موڭعوليا، اقش، اۆستريا، يزرايل، گەرمانيا، تۇركيا، وزبەكستان، قىرعىزستان، نيدەرلاند، فينليانديا، فرانسيا جانە تۇرىكمەنستان.
«اتا جولى» كارتاسىن ەنگىزۋدىڭ ماقساتى تاريحي وتانمەن بايلانىستى نىعايتۋ، ۇلتتىق داستۇرلەردى ساقتاۋ، قازاقستاندا ولاردىڭ الەۋەتىن ىسكە اسىرۋ ءۇشىن ەلگە كاسىپقويلار مەن تابىستى بيزنەسمەندەردى تارتۋ بولىپ تابىلادى. كارتا شەتەلدە تۇراتىن ەتنيكالىق قازاقتارعا ازاماتتىعىن ساقتاي وتىرىپ بەرىلەدى.
«اتا جولى» كارتاسىنىڭ يەگەرلەرى ەلگە كىرگەن كەزدە 10 جىل مەرزىمگە تۇرۋعا رۇقسات الادى جانە ەڭبەك قىزمەتىن جۇزەگە اسىرۋ نەمەسە بيزنەس جۇرگىزۋ ءۇشىن قونىستانۋ ءوڭىرىن دەربەس تاڭدايدى.
«اتا جولى» كارتاسى بار ەتنيكالىق قازاق باسقا ەلدىڭ ازاماتى بولا وتىرىپ، قازاقستان ازاماتتارىمەن جانە قانداستارمەن تەڭ قۇقىقتارعا يە بولادى، بۇل ونىڭ قانداستان ەرەكشەلەگى.
«اتا جولى» كارتاسىنىڭ يەگەرلەرى (جانە ولاردىڭ وتباسى مۇشەلەرى) مىناداي قۇقىتارعا يە:
- مەديسينالىق كومەكتىڭ كەپىلدىك بەرىلگەن كولەمى شەڭبەرىندە مەديسينالىق مەكەمەلەردە الەۋمەتتىك تولەمدەر الۋ جانە قىزمەت كورسەتۋ؛
- ق ر ەڭبەك كودەكسىنە جانە «حالىقتىڭ كوشى-قونى تۋرالى» ق ر زاڭىنا سايكەس قازاقستان اۋماعىندا جۇمىسقا ورنالاسۋ؛
- ق ر كاسىپكەرلىك كودەكسىنە جانە وزگە دە قۇقىقتىق اكتىلەرىنە سايكەس قازاقستان اۋماعىندا كاسىپكەرلىك قىزمەتتى جۇزەگە اسىرۋ؛
- «ءبىلىم تۋرالى» ق ر زاڭىنا سايكەس مەملەكەتتiك بiلiم بەرۋ ۇيىمدارىندا تەگiن ورتا بiلiم الۋ، مەملەكەتتiك ورتا ارناۋلى جانە/نەمەسە جوعارى وقۋ ورىندارىندا كونكۋرستىق نەگiزدە تەگiن ورتا ارناۋلى جانە/نەمەسە جوعارى بiلiم الۋ، جەكە وقۋ ورىندارىندا اقىلى ءبىلىم الۋ؛
- «ادۆوكاتتىق قىزمەت جانە زاڭ كومەگى تۋرالى» ق ر زاڭىنا سايكەس مەملەكەت كەپىلدىك بەرگەن زاڭ كومەگىن الۋ؛
- ازاماتتىق سالاسىنداعى حالىقارالىق شارتتارعا جانە ق ر زاڭنامالىق قۇقىقتىق اكتىلەرىنە سايكەس جەڭىلدەتىلگەن تارتىپپەن قازاقستان رەسپۋبليكاسىنىڭ ازاماتتىعىن الۋ.
«اتا جولى» كارتاسى بار ادامداردىڭ سايلاۋعا جانە ق ر پارلامەنتى مەن ءماسليحاتتارىنا سايلانۋعا، رەسپۋبليكالىق رەفەرەندۋمعا قاتىسۋعا قۇقىعى جوق جانە مەملەكەتتىك قىزمەتكە كىرە المايدى.
ەگەر «اتا جولى» كارتاسىنىڭ يەسى قازاقستان ازاماتتىعىن السا، كارتا جارامسىز دەپ تانىلادى.
ەستەرىڭىزگە سالا كەتەيىك، مەملەكەت باسشىسىنىڭ تاپسىرماسى بويىنشا 2023 جىلدىڭ شىلدەسىنەن باستاپ شەتەلدە تۇراتىن ەتنيكالىق قازاقتار ءۇشىن ەلگە جەڭىل كىرۋ/شىعۋ ماسەلەسى پىسىقتالعان «اتا جولى» كارتاسى ەنگىزىلدى.