مەملەكەت باسشىسىنىڭ تاپسىرماسى بويىنشا ق ر وقۋ-اعارتۋ مينيسترلىگى ءسدياوم، «Astana hub» حالىقارالىق تەحنوپاركىمەن جانە «ورلەۋ» باۇو اق-مەن بىرلەسىپ وقۋشىلار مەن پەداگوگتەرگە ارنالعان باعدارلامالاۋ نەگىزدەرىن وقىتاتىن ءونلاين-بىلىم بەرۋ پلاتفورماسىنىڭ پيلوتتىق جوباسىن ىسكە قوستى.
باستاپقى كەزەڭىندە 300 ءمۇعالىم مەن ترەنەر «جاساندى ينتەللەكت» جانە Game Development باعىتتارى بويىنشا بىلىكتىلىگىن ارتتىرۋدا. بيىل 31 جەلتوقساندا اياقتالاتىن كۋرستار التى ايعا جوسپارلانعان. كۋرس اياقتالعان سوڭ ءاربىر قاتىسۋشىعا سەرتيفيكات بەرىلەدى، ولار ءارى قاراي وقۋشىلار مەن پەداگوگتەردى باعدارلامالاۋ نەگىزدەرىنە وقىتا الادى، دەپ حابارلايدى almaty-akshamy.kz وقۋ-اعارتۋ مينيسترلىگىنە سىلتەمە جاساپ.
«پيلوتتىق مەكتەپتەردىڭ ءبىلىم الۋشىلارى باعدارلامالاۋ نەگىزدەرى بويىنشا بيىل شىلدە-جەلتوقسان ارالىعىندا ونلاين رەجيمدە «No Code»، «Low Code» جانە «Startup Academy» كۋرستارىنان جانە وفلاين 2025 جىلدىڭ قاڭتارىنان باستاپ باعدارلامالاۋ نەگىزدەرى بويىنشا وقيدى. ءقازىر Astana Hub پلاتفورماسىندا ءبىلىم الۋشىلاردى ونلاين تىركەۋ ءجۇرىپ جاتىر. ءار وقۋشىعا قۇپيا ءسوز بەن لوگين بەرىلەدى، ونىڭ كومەگىمەن ولار مودۋلدەردى يگەرىپ، تاپسىرمالاردى ورىنداپ، تەستىلەۋدەن وتە الادى. بارلىق مودۋلدەردەن ءساتتى وتكەن ءبىلىم الۋشىلارعا كۋرستى اياقتاعانى تۋرالى سەرتيفيكات بەرىلەدى، بۇل IT-ونىمدەردى جاساۋعا مۇمكىندىك بەرەتىن بولادى»، – دەپ اتاپ ءوتتى ورتا ءبىلىم بەرۋ كوميتەتىنىڭ باسقارما باسشىسى گۇلنار تالاسبايەۆا.
ايتا كەتۋ كەرەك، وقۋشىلار وزدەرىنە ىڭعايلى ۋاقىتتا وقي الادى. ءار ساباقتا بەينەدارىس، قوسىمشا ماتەريالدار جانە تەست تاپسىرمالارى بار. سونداي-اق قاتىسۋشىلار پيلوتتىق جوبا ۇيلەستىرۋشىلەرىنەن كومەك سۇراي الادى. پيلوتتىق جوبا بارلىعى 27 مىڭنان استام وقۋشىنى قامتيدى.