سۇراق:
الماتى نەلىكتەن پوليسەنترلىك دامۋ جولىمەن ءجۇرۋى كەرەك جانە پوليورتالىق دەگەن نە؟ ولار قالا قۇرىلىسىنا قاتىستى قانداي ماسەلەنى شەشۋگە مۇمكىندىك بەرەدى؟
جاۋاپ:
الماتىنىڭ پوليورتالىقتى دامۋى بىركەلكى ءارى تۇراقتى قالالىق ورتانى قۇرۋ ءۇشىن تاڭدالدى. بۇل ءتاسىل فۋنكسيونالدى ايماقتاردى تەڭگەرىمدى ورنالاستىرۋعا ىقپال ەتىپ، قالا تۇرعىندارىنىڭ ينفراقۇرىلىم مەن قىزمەتتەرگە بىردەي قول جەتكىزۋىنە مۇمكىندىك بەرەدى. مۇنداي ستراتەگيالىق شەشىم ءومىر ءسۇرۋ ساپاسىن جاقسارتۋعا جانە قالالىق رەسۋرستاردى وڭتايلى پايدالانۋعا باعىتتالعان.
پوليورتالىقتاردىڭ ءوزى بۇل تۇرعىن ءۇي، كوممەرسيالىق جانە كەڭسە كەڭىستىگى، قوعامدىق نىساندار، جاسىل الاڭدار، ءبىلىم بەرۋ مەكەمەلەرى مەن وزگە دە ينفراقۇرىلىمدىق ەلەمەنتتەر سياقتى ءارتۇرلى فۋنكسيونالدى ايماقتاردى بىرىكتىرەتىن كوپ ماقساتتى قالالىق ورتالىقتار. پوليورتالىقتاردى قۇرۋ قالانى تۇراقتى، تەڭدەستىرىلگەن جانە فۋنكسيونالدى ورتا رەتىندە دامىتۋعا باعىتتالعان.
الماتى جاعدايىندا پوليورتالىقتار زاماناۋي قالالىق سىن-قاتەرلەر مەن مىندەتتەردى شەشۋدىڭ وزەكتى قۇرالىنا اينالادى.
تۇراقتى دامۋ: پوليورتالىقتار قالالىق اۋماقتى ءتيىمدى پايدالانۋعا، كەپتەلىستەر مەن جولاۋشىلار لەگىن ازايتۋعا، قورشاعان ورتاعا اسەردى ازايتۋعا ىقپال ەتەدى.
تەڭگەرىمدىلىك پەن ارتۇرلىلىك: پوليورتالىقتاردا (تۇرعىن ءۇي، كوممەرسيالىق، ءبىلىم بەرۋ) ءارتۇرلى فۋنكسيونالدى ايماقتاردى قۇرۋ تەڭگەرىمدى جانە ءارتۇرلى قالالىق ورتانى قالىپتاستىرۋعا سەپتىگىن تيگىزەدى.
جايلىلىق جانە قولجەتىمدىلىك: پوليورتالىقتارداعى قىزمەت كورسەتۋ، دەمالىس جانە ءبىلىم بەرۋ نىساندارىنا 15 مينۋتتىق قولجەتىمدىلىك قاعيداتى قالا تۇرعىندارى ءۇشىن جايلىلىق پەن قولجەتىمدىلىكتى قامتاماسىز ەتەدى.
قالالىق ورتانى ۇيلەستىرۋ: پوليورتالىقتار ءارتۇرلى الەۋمەتتىك توپتاردىڭ قاجەتتىلىكتەرىن ەسكەرەتىن ۇيلەسىمدى ءارى فۋنكسيونالدى قالالىق كەڭىستىكتەر قۇرۋعا مۇمكىندىك بەرەدى.
قالانىڭ كەڭەيۋىن باسقارۋ: پوليورتالىقتاردى قۇرۋ باقىلاناتىن ايماقتاردان تىس قۇرىلىمدالماعان جانە رەتسىز قۇرىلىسقا جول بەرمەي، قالانىڭ ءوسۋىن باسقارۋدىڭ ستراتەگيالىق تاسىلىنە اينالادى.