قۇپيا قۇجاتتار قولجەتىمدى بولا ءتۇستى.
ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيا جۇمىسىن جالعاستىرادى، دەپ حابارلايدى Almaty-akshamy.kz.
بۇل تۋرالى الاشتانۋشى ديحان قامزابەك ۇلى ايتتى. مەملەكەتتىك كوميسسيانىڭ ساپالى جۇمىسى ناتيجەسىندە 2،6 ميلليوننان استام قۇجاتتان قۇپيا دەگەن بەلگى الىنىپ تاستالدى. زەرتتەۋ جۇمىسىنا 400-دەن استام عالىم قاتىسقان. 7 مىڭعا جۋىق قۇجات پرەزيدەنت ارحيۆىنە تاپسىرىلدى.
«قۋعىن-سۇرگىن قۇرباندارىن تولىق اقتاۋ كوميسسياسىنىڭ قازىرگى جيناعى 72 جيناق بولىپ شىقتى. قازاقستاننىڭ وڭىرلەرىنىڭ ءبارىن ەسەپتەگەندە 400 دەن استام عالىم جۇمىس جاسادى. مەن سونىڭ مەتودولوگ-ادىسنامالىق باعىتىندا قىزمەت اتقاردىم. كوميسسيانىڭ جۇمىس ءوفيسى دەگەن بولدى. جۇمىس ءوفيسىن سابىر قاسىموۆ دەگەن بەلگىلى زاڭگەر، قوعام قايراتكەرى، ەكس-سەناتور باسقاردى»، - دەيدى قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسياسىنىڭ مۇشەسى ديحان قامزابەك ۇلى