ەتيكا جونىندەگى ۋاكىلدەردىڭ قىزمەتى: ءرولى، فۋنكسيالارى جانە زاماناۋي ۇيىمداستىرۋشىلىق مادەنيەتتەگى ماڭىزى

باسقارۋ پروسەستەرىنىڭ كۇردەلەنۋى مەن اشىقتىق پەن جاۋاپكەرشىلىك تالاپتارىنىڭ ارتۋى جاعدايىندا ءادەپ جونىندەگى ۋاكىلدەر ينستيتۋتى كورپوراتيۆتىك جانە مەملەكەتتىك باسقارۋ جۇيەسىنىڭ ماڭىزدى ەلەمەنتىنە اينالىپ كەلەدى. ادەپ جونىندەگى ۋاكىل – ۇيىمداعى جوعارى مىنەز-قۇلىق ستاندارتتارىن قالىپتاستىرۋعا جانە ساقتاۋعا، داۋلى جاعدايلاردىڭ الدىن الۋعا، قىزمەتكەرلەر، باسشىلىق جانە سىرتقى سەرىكتەستەر اراسىنداعى سەنىمدى نىعايتۋعا كومەكتەسەتىن مامان.

ادەپ  جونىندەگى ۋاكىلدىڭ نەگىزگى مىندەتى – ەتيكالىق نورمالاردى ساقتاۋ فورمالدىلىق ەمەس، كورپوراتيۆتىك مادەنيەتتىڭ ناقتى بولىگىنە اينالاتىن ورتانى قالىپتاستىرۋ.

سونىمەن قاتار، ادەپ جونىندەگى ۋاكىل سىبايلاس جەمقورلىق، كەمسىتۋشىلىك، مۇددەلەر قاقتىعىسى، رەسۋرستاردى ءتيىمسىز پايدالانۋ جانە وزگە دە تەرىس ارەكەتتەردىڭ الدىن الۋعا ىقپال ەتەدى.

ادەپ جونىندەگى ۋاكىل سونداي-اق سىبايلاس جەمقورلىققا قارسى ستاندارتتار مەن ەتيكالىق مىنەز-قۇلىققا ارنالعان وقىتۋ ءىس-شارالارى مەن ترەنينگتەر ۇيىمداستىرادى.

كاسىبي ەتيكالىق باقىلاۋ مەحانيزمى قىزمەتكەرلەر مەن قوعام تاراپىنان سەنىمدى ارتتىرادى.

ادەپ جونىندەگى ۋاكىلدەردىڭ قىزمەتى فورمالدى باقىلاۋ عانا ەمەس، سونىمەن بىرگە ۇيىمنىڭ تۇراقتى جانە ءتيىمدى دامۋىنا، تاۋەكەلدەردى بولدىرماۋعا، جوعارى مىنەز-قۇلىق ستاندارتتارىن قولداۋعا مۇمكىندىك بەرەتىن باسقارۋدىڭ ماڭىزدى بولىگى بولىپ تابىلادى.

مەملەكەتتىك قىزمەت ىستەرى اگەنتتىگىءنىڭ الماتى قالاسى بويىنشا دەپارتامەنتى باسشىسىنىڭ ورىنباسارى نۇرجان ۋزبەحانوۆپەن ادەپ جونىڭدەگى ۋاكىلدەردىڭ ۇلگىلىك جوسپارىفنا سايكەس، ا.ج. 10 جەلتوقسان كۇنى مەملەكەتتىك قىزمەتكە العاش رەت قابىلدانعان ازاماتتارمەن تومەندەگى باعىتتار بويىنشا ءتۇسىندىرۋ جۇمىستارىن جۇرگىزدى:

·  سىبايلاس جەمقورلىققا قارسى تىيىمدار مەن شەكتەۋلەر؛

·  مەملەكەتتىك قىزمەتشىلەردىڭ قىزمەتتىك ادەپ ستاندارتتارىن ساقتاۋ؛

·  مۇلىكتى سەنىمگەرلىك باسقارۋعا بەرۋ ءتارتىبى؛

·  ويىن-ساۋىق (قۇمار ويىن) ورىندارىن بارۋدان باس تارتۋ؛

·  ءدىني كوزقاراستاردى باسقالارعا تاڭباۋ؛

·  قوعامدىق ورىنداردا ماس كۇيىندە بولدىرماۋ؛

·  كەمسىتۋشىلىككە جول بەرمەۋ جانە باسقا دا تالاپتار.

قازىرگى جاعدايدا ادەپ جونىندەگى مامانداردىڭ ءرولى ارتىپ، ولار سەنىم، ادالدىق جانە جاۋاپكەرشىلىك مادەنيەتىن قالىپتاستىرۋ ۇدەرىسىنىڭ ماڭىزدى قاتىسۋشىلارىنا اينالۋدا.