ءبىرجان حاسانعالييەۆ اكەسىنىڭ رومانستارىن جارىققا شىعارماق
ءبىرجان حاسانعالييەۆ مارقۇم اكەسى، داڭقتى كومپوزيتور، قازاق كسر-نىڭ حالىق ءارتىسى ەسكەندىر حاسانعالييەۆتىڭ جارىققا شىقپاعان رومانستارىن كىتاپ ەتىپ شىعارماق، دەپ حابارلايدى Almaty-akshamy.kz الماتى تەلەارناسىنىڭ سايتىنا سىلتەمە جاساپ.
«اكەمنىڭ ارتىنان قالعان مول مۇراسى بار. ونىڭ قاتارىنا تەك اندەر عانا ەمەس، ەرتەرەك جازىلعان ەسكەندىر حاسانعالييەۆتىڭ رومانستارى دا كىرەدى. ءقازىر سولاردىڭ كلاۆيرىن (اككومپانەمەنت) ءوزىم جازىپ جاتىرمىن»، – دەپ حابارلادى ءبىرجان ەسكەندىر ۇلى Instagram-داعى پاراقشاسىندا.
حاسانعالييەۆ مۇنىڭ قيىن ءارى جاۋاپكەرشىلىكتى تالاپ ەتەتىن جۇمىس ەكەنىن اتاپ ءوتتى. ب.حاسانعالييەۆتىڭ ايتۋىنشا، ول ەكى ايدا بۇل ءىسىن بىتىرمەك نيەتتە. كەيىن ونى كىتاپ قىلىپ شىعارىپ، حالىققا كورسەتپەك.