الماتى قالالىق پەريناتالدىق ورتالىعىنىڭ گينەكولوگى اسەل ومارقۇلوۆا ونلاين بريفينگ بارىسىندا جۇكتى ايەلدەردە COVID-19 قالاي انىقتالاتىنىن جانە نارەستەگە ۆيرۋستى جۇقتىرماۋ ءۇشىن نە ىستەۋ كەرەكىتىگىن ايتىپ بەردى، دەپ حابارلايدى almaty-akshamy.kz
«بارلىق جۇكتى ايەلدەر يممۋندىق تاپشىلىق جاعدايىندا بولادى ءارى تاۋەكەل توبىنا جاتادى. ءبىز ولاردان بەلگىلى قاۋىپسىزدىك شارالارىن ساقتاۋدى سۇرايمىز: ماسكا تاعۋ، قولدى جۋۋ جانە ادامدار كوپ جينالاتىن جەرلەردەن اۋلاق بولۋ. ال ەگەر اۋىرىپ قالسا، ءوزىن-وزى ەمدەۋمەن اينالىسپاۋى كەرەك، سەبەبى كوۆيدتى ەمدەيتىن كوپتەگەن پرەپاراتتا جۇكتى ايەلدەرگە قارسى كورسەتىلىمى بار»، - دەيدى اسەل ومارقۇلوۆا.
گينەكولوگتىڭ ايتۋىنشا، ۆيرۋس جۇقتىرعان جۇكتى ايەلدەر بارلىق جاعدايدا اۋرۋحاناعا جاتقىزىلا بەرمەيدى. COVID-19 سيمپتومسىز جانە جەڭىل اعىمى بار بولاشاق انالار امبۋلاتورلىق ەمدەۋدە قالادى. ادەتتە، دارىگەرلەر ولارعا كوپ مولشەردە سۇيىقتىقتى ءىشۋ بويىنشا ۇسىنىستار بەرەدى، ايەلدەر ءوزىن-وزى باقىلاۋ كۇندەلىگىن جۇرگىزەدى، تەمپەراتۋرانى، تامىر سوعۋ جيىلىگىن جانە تىنىس الۋدى باقىلايدى. بسمك مەديسينالىق قىزمەتكەرىمەن قاشىقتان بايلانىستى كۇندەلىكتى ورناتادى. پەريناتالدىق ورتالىقتا كوروناۆيرۋسپەن بوسانعان ايەلدەر ءجىتى باقىلاۋدا بولادى.
«ورتالىقتا 20 توسەك-ورىندى ينفەكسيالىق بولىمشە جۇمىس جاسايدى. باسقا كوۆيدتىك ستاسيونارداعىداي، «جاسىل ايماق»، «قىزىل ايماق»، شليۋز، سانيتاريا»، «جاسىل ايماق» بار. جۇقتىرعان ناۋقاستاردى بوساندىرعاندا مەدبيكەلەر قورعانىس قۇرالدارىن، كوستيۋمدەردى، كوزىلدىرىك پەن قولعاپتى پايدالانادى»،- دەيدى دارىگەر.
«نارەستە دۇنيەگە كەلە سالىسىمەن 1 مينۋتقا كەشىكپەي، ونىڭ كىندىگىن قىسۋ ۇسىنىلادى، سەبەبى بۇل انا مەن بالانىڭ دەنساۋلىعىنا پايدالى جانە جاڭا تۋعان نارەستەنىڭ تاماقتانۋ جاعدايىن جاقسارتادى. سونىمەن قاتار، جاڭا تۋعان نارەستەگە COVID-19-دىڭ قان ارقىلى بەرىلۋ ءقاۋپى از. كوروناۆيرۋس بالاعا انا ءسۇتى ارقىلى بەرىلمەيدى. دۇنيەجۇزىلىك دەنساۋلىق ساقتاۋ ۇيىمىنىڭ قولدانىستاعى ۇسىنىمدارىنا سايكەس، ەگەر ساقتىق شارالارى ساقتالسا، COVID-19 جۇقتىرعان ايەلدەر ءسابيىن ەمىزە الادى»،-دەدى اسەل ومارقۇلوۆا.
الماتى قالاسىنىڭ پەريناتالدىق ورتالىعىنىڭ گينەكولوگى بۇگىندە ينفەكسيانىڭ ۇرىققا انتەناتالدى جولمەن بەرىلەتىنى تۋرالى سەنىمدى دەرەكتەر جوق ەكەنىن اتاپ ءوتتى.
«ۆەرتيكالدى جول – قان ارقىلى، ۇرىقجولداس راستالمايدى. ينفەكسيا ناۋقاس انادان بوسانۋ كەزىندە، بالامەن قارىم-قاتىناس كەزىندە مۇمكىن بولادى، ەگەر ول ماسكا رەجيمى، قولدى جۋۋ جانە دەزينفەكسيالاۋ سياقتى قاۋىپسىزدىك شارالارىن ساقتاماسا»، - دەدى سپيكەر.
سونداي-اق ول بالا كوتەرەتىن ايەلدەرگە قوعامدىق ورىندارعا، دۇكەندەر مەن گيپەرماركەتتەرگە بارماۋعا شاقىردى. وعان قوسا جۇكتى ايەلدى COVID-19 كوروناۆيرۋس ينفەكسياسىنان قورعاۋ ءۇشىن ونىڭ وتباسى مەن جاقىندارى ۆاكسينا الۋى ءتيىس. سوندا عانا انا مەن بولاشاق ءسابيدىڭ ءومىرى ءقاۋىپسىز بولادى.