الماتىدا ەسىرتكى ساتۋشى 10 جىلعا باس بوستاندىعىنان ايىرىلدى، – دەپ حابارلايدى اlmaty-akshamy.kz.
ەسكە سالايىق، وتكەن جىلدىڭ قىركۇيەك ايىندا الماتى پوليسياسى ويىن-ساۋىق مەكەمەسىنىڭ اۋماعىندا سينتەتيكالىق ەسىرتكى ساتىپ جۇرگەن 27 جاستاعى جىگىتتى ۇستاعان بولاتىن.
– ءبىزدىڭ بولىمشەنىڭ جەدەل ۋاكىلدەرى مەن پوليسيانىڭ ارنايى جاساقتارى ءىس-شارانى تۇنگى ساعات 03:00-دە جۇرگىزدى. كۇدىكتى ۇستالدى. بىزگە بەلگىلى بولعانداي، 1996 جىلى تۋعان ر.ەسىمدى ازامات تۇنگى كلۋبقا كەلۋشىنىڭ اتىن جامىلىپ، ەسىرتكى تاراتۋمەن اينالىسقان. ۇستالعان كەزدە، ونى ءتىنتۋ بارىسىندا قۇرامىندا سينتەتيكالىق زاتى بار، اشىق ءتۇستى، ۇنتاق تۇرىندەگى بايلام تابىلدى. ءشوپ تاركىلەنىپ، سوت-حيميالىق ساراپتاماعا جىبەرىلدى. سوتقا دەيىنگى تەرگەۋ ق ر قك-نىڭ 297-بابى بويىنشا تىركەلدى. ۇستالعان ازامات ۋاقىتشا ۇستاۋ يزولياتورىنا قامالدى، – دەدى سول كەزدە الماتى قالالىق پد ەسىرتكى قىلمىسىنا قارسى كۇرەس باسقارماسى.
سوت ۇكىمىمەن 28 جاستاعى ر.ەسىمدى ازامات ق ر قك-نىڭ 297-بابى 3-بولىگىنىڭ 6-تارماعىندا كوزدەلگەن قىلمىستى جاساعانى ءۇشىن كىنالى دەپ تانىلىپ، 10 جىلعا باس بوستاندىعىنان ايىرىلدى.