الماتىداعى ي. كارىموۆ كوشەسى، 109 مەكەنجايدا زاڭسىز سالىنعان وبەكت سوتتىڭ شەشىمى بويىنشا بۇزىلادى. مەگاپوليستىڭ قالا قۇرىلىسىن باقىلاۋ باسقارماسىنىڭ اقپاراتى بويىنشا، بۇرىن تۇرعىننىڭ ءوتىنىشى نەگىزىندە جوسپاردان تىس تەكسەرۋ جۇرگىزىلىپ، قۇرىلىسقا رۇقسات بەرۋ قۇجاتتارىنىڭ جوقتىعى انىقتالعان، دەپ حابارلايدى almaty-akshamy.kz
باسقارما ءىس ماتەريالدارىن الماتى قالاسىنىڭ مامانداندىرىلعان اۋدانارالىق اكىمشىلىك سوتىنا جولداي وتىرىپ، ق ر اقبتك-نىڭ 316-بابى 1-بولىگى، 321-بولىگى، 463-بابى 1-بولىگى، 462-بولىگى 3-بولىگى بويىنشا اكىمشىلىك شارالار قابىلدادى.
مەنشىك يەسى سوت قۇقىق بۇزۋشىلىق جاساعانى ءۇشىن كىنالى دەپ تانىلدى، قۇرىلىس-مونتاج جۇمىستارىن توقتاتىلىپ، اكىمشىلىك ايىپپۇل سالىندى.
باسقارمادان كەيىن المالى اۋداندىق سوتىنا زاڭسىز تۇرعىزىلعان وبەكتىنى بۇزۋ تۋرالى تالاپ قويىلدى جانە اۋداندىق سوتتىڭ 2021 جىلعى 28 قازانداعى شەشىمىمەن باسقارمانىڭ تالاپ ارىزى قاناعاتتاندىرىلدى، سودان كەيىن اتقارۋ پاراعى ادىلەت دەپارتامەنتىنە بەرىلدى.
بۇزۋ ادىلەت دەپارتامەنتىنىڭ سوت ورىنداۋشىلارىنىڭ قاتىسۋىمەن باستالدى.
ەستەرىڭىزگە سالا كەتەيىك، الماتىدا قالا اكىمى ەربولات دوسايەۆتىڭ تاپسىرماسى بويىنشا زاڭسىز قۇرىلىستى باقىلاۋ كۇشەيتىلدى. جالپى، قالا بويىنشا تالاپ قويۋ قىزمەتىنىڭ ناتيجەلەرى بويىنشا وتكەن جىلدان باستاپ 37 زاڭسىز نىسان تولىعىمەن نەمەسە ءىشىنارا بۇزىلدى، ونىڭ ىشىندە بيزنەس-ورتالىقتار، مەيرامحانالار، تولىقتىرۋلار مەن اۆتوسەرۆيستەر، «مەچتا» جانە KHAN سياقتى ءىرى تۇرعىن كەشەندەرى بار.