سىبايلاس جەمقورلىققا قارسى ءىس-قيمىل اگەنتتىگى الماتى وبلىسى ەسىك قالاسىنىڭ اكىمىن قاماۋعا الدى.
ۇستالعان شەنەۋنىك پارا الدى دەگەن كۇدىككە ءىلىندى، دەپ حابارلايدى Almaty-akshamy.kz Egemen.kz-كە سىلتەمە جاساپ.
اگەنتتىكتىڭ باسپا ءسوز قىزمەتى مالىمدەگەندەي، كۇدىككە ىلىنگەن اكىم قارجىلىق قىلمىس جاساعانىن مويىندادى.
«ول قالانىڭ ويىن الاڭىن اباتتاندىرۋ جونىندەگى جۇمىستاردى مەملەكەتتىك ساتىپ الۋ شارتى بويىنشا بيۋدجەت قاراجاتىن كەدەرگىسىز تولەگەنى ءۇشىن جەكە كومپانيا وكىلىنەن ءىرى مولشەردە پارا الدى دەگەن كۇدىككە ءىلىندى. كۇدىكتى كىنانى تولىعىمەن مويىندادى»، - دەلىنگەن رەسمي اقپاراتتا.
ۆەدومستۆو وكىلدەرى سوتقا دەيىنگى تەرگەۋ جۇمىستارى جۇرگىزىلىپ جاتقانىن قوسا حابارلادى. قىلمىستىق-پروسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.