ەءرلى-زايىپتىلار اۋىرعانعا دەيىن ەش ۆاكسينا الماعان.
الماتى وبلىسىندا ءتورت بالا اتا-اناسىنان ايىرىلىپ، جەتىم قالدى. ولاردىڭ اتا-انالارى كوروناۆيرۋس ينفەكسياسىنا شالدىعىپ، قايتىس بولعان، دەپ حابارلايدى Almaty-akshamy Almaty.tv سايتىنا سىلتەمە جاساپ.
كوز جۇمعان كەلىنشەك اۋرۋحاناعا 4ء-شى پەرزەنتىنە اياعى اۋىر بولىپ ءتۇسىپ، دارىگەرلەر بالانى امان الىپ قالىپتى. ءبىراق 4 كۇن وتكەن سوڭ، گۇلناز وسمانوۆا قايتىس بولادى.
«جولداسى 15ء-ى كۇنى ءبىزدىڭ كوۆيد بولىمىنە ءتۇستى. وكىنىشكە قاراي، ەمدەۋ شارالارىنىڭ جاسالۋىنا قاراماستان، 1 تامىزدا كوز جۇمدى. ەرلى-زايىپتىلار اۋىرعانعا دەيىن ەش ۆاكسينا الماعان. ۆاكسينا العان كەزدە مۇنداي قايعىلى جاعداي بولماس ەدى دەپ ويلايمىن»، – دەدى ەڭبەكشىقازاق اۋداندىق اۋرۋحاناسى باس دارىگەرىنىڭ ورىنباسارى ديدار ايتجانوۆ.
جاڭا تۋعان سابيدەن بولەك، 9، 5 جانە 4 جاستاعى بالالارى ءقازىر تۋىستارىنىڭ قاسىندا. الداعى ۋاقىتتا نەمەرەلەرىن ءوزىنىڭ اتىنا جازدىرىپ الامىن دەپ وتىر اجەسى نۇربانۋ راقىشيەۆا.