№199 مەكتەپتە الماتى ءماسليحاتىنىڭ VII شاقىرىلىمىنداعى Amanat پارتياسى دەپۋتاتتارىنىڭ اتقارىلعان جۇمىستارى تۋرالى ەسەپتىك كەزدەسۋى ءوتتى.
بوستاندىق اۋدانى تۇرعىندارىنىڭ الدىندا الماتى ءماسليحاتىنىڭ بۇرىنعى دەپۋتاتى ديانا ەرلان اتقارىلعان جۇمىستار تۋرالى باياندادى.
«مەن بوستاندىق اۋدانىنىڭ تۇرعىنىمىن جانە وتكەن جىلدىڭ شىلدە ايىنان باستاپ الماتى قالاسى ءماسليحاتىنىڭ قۇرامىندا بولدىم. دەپۋتاتتىق قىزمەتتە جارتى جىل بولعانىما قاراماستان، مەن جۇرتشىلىقپەن اشىق ديالوگ جۇرگىزۋگە جانە دەپۋتاتتىق كورپۋس جۇمىسىنىڭ ناتيجەلەرىمەن بولىسۋگە دايىنمىن»، – دەدى ول.
الماتى ءماسليحاتىنىڭ دەپۋتاتى بوستاندىق اۋدانىندا 7 مىڭنان استام ەرەكشە قاجەتتىلىگى بار ادامدار بار ەكەنىن ايتىپ، ولار ءۇشىن الەۋمەتتىك ينفراقۇرىلىمنىڭ قولجەتىمدىلىگى باعىتىندا ءبىرقاتار جۇمىستار اتقارىلعانىن ايتتى.
«وتكەن جىلدىڭ تامىز ايىندا مەنى سويلەۋ قابىلەتى بۇزىلعان وقۋشىلارعا ارنالعان №9 مەكتەپ-ينتەرناتتىڭ پارتيالىق باقىلاۋشىسى ەتىپ تاعايىندادى. ينتەرنات ءبىزدىڭ اۋداندا ورنالاسقان، ءبىراق بۇل - الماتىداعى وسىنداي دياگنوزى بار بالالارعا ارنالعان جالعىز وقۋ ورنى. مەردىگەردىڭ جوسىقسىز قارىم-قاتىناسى مەن كوپتەگەن سوت پروسەستەرىنە بايلانىستى عيماراتتى جوندەۋ-قۇرىلىس جۇمىستارىنىڭ مەرزىمى 4 جىلعا سوزىلدى.
مەن 139 وقۋشى وسى ۋاقىت ىشىندە قالانىڭ باسقا ەكى مەكتەبىندە وقۋعا ءماجبۇر بولعانىن انىقتادىم. بۇل مۇلدەم دۇرىس ەمەس. بىرىنشىدەن، بۇل ەكى مەكتەپ ءۇشىن اۋىرتپالىق. ەكىنشىدەن، اتا-انالار قولايسىز مارشرۋتپەن جۇرۋگە ءماجبۇر. ۇشىنشىدەن، بۇل بالالاردىڭ وزدەرى ءۇشىن ىڭعايسىزدىق تۋدىرادى. سوندىقتان مەن الدىمەن اۋدان اكىمىنە جۇگىندىم. بۇدان ارى ماسەلە تۋرالى قالا اكىمى حاباردار بولىپ، الدىڭعى اپتادا مەكەمەنىڭ قۇرىلىس جۇمىسىمەن جەكە ءوزى تانىستى. وسىنداي قولداۋدىڭ ناتيجەسىندە مەكتەپ جاڭا وقۋ جىلىنان باستاپ اشىلادى»، – دەدى د.ەرلان.
قالالىق ءماسليحاتتىڭ بۇرىنعى دەپۋتاتى ءسوز سوڭىندا ەلىمىزدەگى ساياسي رەفورمالار جايلى ءوز ويىن ءبىلدىردى.
«الماتى ءماسليحاتىنىڭ VII شاقىرىلىمىنىڭ تاراتىلۋى مەن ءۇشىن جانە مەنىڭ ارىپتەستەرىم ءۇشىن كۇتپەگەن جايت بولدى دەپ ايتا المايمىن. بۇل مەملەكەت باسشىسىنىڭ ساياسي رەفورمالارى اياسىندا زاڭدى تۇردە ورىن الدى»، – دەدى ول.