ەلىمىزگە زاڭسىز كىرمەك بولعان شەتەلدىكتەر سوتتالدى

سوتتالۋشىلار ايىبىن تولىق مويىندادى.

پاكىستاننىڭ ءتورت ازاماتى قازاقستان شەكاراسىن زاڭسىز كەسىپ وتكەندەرى ءۇشىن سوتتالدى، دەپ حابارلايدى Almaty-akshamy.kz

جامبىل وبلىسى جامبىل اۋداندىق سوتىندا قازاقستاننىڭ مەملەكەتتىك شەكاراسىن قاساقانا زاڭسىز كەسىپ ءوتۋ بابى بويىنشا ايىپتالعان 4 تۇلعاعا قاتىستى ءىس قارالدى.

سوتتالۋشىلار – پاكىستان يسلام رەسپۋبليكاسىنىڭ ازاماتتارى ا، ا، م. مەن م. 2022 جىلدىڭ قازان ايىندا «جاس وركەن» شەكارا بولىمشەسى ۋچاسكەسىنىڭ سول قاپتالىندا، وتكىزۋ پۋنكتىنەن تىس جەردە قىرعىزستان اۋماعىنان مەملەكەتتىك شەكارانى قاساقانا زاڭسىز كەسىپ وتكەن.

پروكۋرور ا، ا، م. جانە م-عا - 6 ايعا باس بوستاندىعىن ايىرۋ جانە 5 جىل مەرزىمگە قازاقستان اۋماعىنان تىسقارى شىعارىپ جىبەرۋ جازاسىن تاعايىنداۋدى سۇرادى.

كىنا ءىس اياسىندا جينالعان دالەلدەمەلەرمەن، سوتتالۋشىلاردىڭ ايعاقتارىمەن دالەلدەندى.

سوت جازا تاعايىنداۋ كەزىندە ولاردىڭ شىن جۇرەكتەن وكىنۋىن، كامەلەتكە تولماعان بالالارىنىڭ بار ەكەنىن جازانى جەڭىلدەتىن ءمان-جاي رەتىندە تانىدى.

اۋىرلاتاتىن ءمان-جاي جوق.

سوت ا، ا، م. جانە م.-عا قازاقستان اۋماعىنان 5 جىل مەرزىمگە شىعارىپ جىبەرە وتىرىپ، 6 ايعا باس بوستاندىعىنان ايىرۋ جازاسىن تاعايىندادى.

ۇكىم زاڭدى كۇشىنە ەندى.