قازگيدرومەت 25 قىركۇيەككە ارنالعان اۋا رايى بولجامىن ۇسىندى.
انتيسيكلوننىڭ اسەرىنەن قازاقستان اۋماعىنىڭ كوپ بولىگىندە جاۋىن-شاشىن جاۋمايدى.
تەك ەلىمىزدىڭ شىعىسىندا اتموسفەرا فرونتتارىنىڭ اسەرىنەن جاڭبىر، تاۋلى ايماقتاردا جاۋىن-شاشىن (جاڭبىر، جىلبىسقى قار) بولادى.
رەسپۋبليكا بويىنشا تۇندە جانە تاڭەرتەڭ تۇمان تۇسەدى، وڭتۇستىكتە، شىعىستا ەكپىندى جەل سوعادى.
شىعىس قازاقستان وبلىسىنىڭ شىعىسىندا، قاراعاندى وبلىسىنىڭ سولتۇستىگىندە، شىعىسىندا تۇندە 1-3 گرادۋس ۇسىك جۇرەدى، اقمولا وبلىسىنىڭ شىعىسىندا تۇندە توپىراق بەتىندە 1 گرادۋس ۇسىك بولادى.
قىزىلوردا قالاسىنىڭ ورتالىعىندا، شىعىسىندا، وڭتۇستىگىندە توتەنشە ءورت ءقاۋپى ساقتالادى.
جامبىل وبلىسىندا، قاراعاندى وبلىسىنىڭ وڭتۇستىگىندە، ۇلىتاۋ وبلىسىندا، تۇركىستان وبلىسىنىڭ ءشولدى اۋداندارىندا ءورت ءقاۋپى جوعارى.