سونىڭ نەگىزىندە ەندى ازاماتتار قارىزىن وتەپ بىتپەيىنشە، جاڭادان كرەديت الا المايدى.
1 قازاننان باستاپ بارلىق بانك، لومبارد جانە ونلاين قارجى ۇيىمدارى بەرىلگەن نەسيە تۋرالى اقپاراتتى كۇندەلىكتى بەرۋگە مىندەتتى، دەپ حابارلايدى Almaty-akshamy.kz
وسىنداي شەكتەۋلەر ارقىلى بيلىك بورىشكەرلەردىڭ سانىن ازايتۋدى كوزدەپ وتىر. بۇعان دەيىن زاڭ بويىنشا بەرىلگەن قارىز تۋرالى اقپارات كرەديتتىك بيۋروعا 15 كۇننەن كەيىن تۇسەتىن. سول ارالىقتا ازاماتتار 4-5 جەردەن نەسيە الىپ ۇلگەرەتىن.
نەسيە بيۋروسىنىڭ مالىمەتى بويىنشا، بۇگىندە 1 ملن 800 مىڭ ادام نەسيەسىن تولەۋ مەرزىمىنەن كەشىكتىرىپ وتىر. بيىل قارىزدانعاندار سانى وتكەن جىلعا قاراعاندا 37 پايىزعا كوپ. ازاماتتار، اسىرەسە، كەپىلسىز تۇتىنۋشىلىق نەسيەلەر راسىمدەگەن. جالپى قارىز كولەمى - 6 ترلن تەڭگە.