ەگەر بۇرىن كاسىپكەرلەرگە قاتىستى اي سايىن 150-گە جۋىق قىلمىستىق ءىس تىركەلگەن بولسا، ءقازىر ولاردىڭ سانى ءتورت ەسەگە ازايدى
2022 جىلعى 29 قىركۇيەكتە باس پروكۋراتۋرادا پرەزيدەنت اكىمشىلىگى، قاۋىپسىزدىك كەڭەسى، «اتامەكەن» ۇكپ، نەگىزگى مينيسترلىكتەر باسشىلارىنىڭ، پارلامەنت دەپۋتاتتارىنىڭ، قۇقىق قورعاۋ جانە جەرگىلىكتى اتقارۋشى ورگاندار، بيزنەس جانە ادۆوكاتتىق قوعامداستىق وكىلدەرىنىڭ قاتىسۋىمەن مەملەكەت باسشىسىنىڭ كاسىپكەرلەردىڭ پروبلەمالىق ماسەلەلەرىن شەشۋ بويىنشا تاپسىرمالارىن ىسكە اسىرۋ قورىتىندىلارى تالقىلاندى، دەپ حابارلايدى اlmaty-akshamy.kz باس پروكۋراتۋرانىڭ باسپا ءسوز قىزمەتىنە سىلتەمە جاساپ
ءىس-شارانى اشقان باس پروكۋرور بەرىك اسىلوۆ قازىرگى جاھاندىق سىن-قاتەرلەر مەملەكەت جانە كاسىپكەرلەر ءۇشىن دە جاڭا «ويىن ەرەجەلەرىن» تالاپ ەتەتىنىن ايتتى. سوندىقتان ءوزارا ارەكەتتەسۋدىڭ جاڭا دەڭگەيى قاجەت بولاتىنىنا نازار اۋداردى.
بۇل ەڭ الدىمەن، بيزنەستى زاڭسىز تەكسەرۋلەردەن جانە اكىمشىلىك كەدەرگىلەردى قىسقارتۋدان قورعاۋعا، كاسىپكەرلەردى قىلمىستىق شەڭبەرگە نەگىزسىز تارتۋ فاكتىلەرىنىڭ جولىن كەسۋگە، سونداي-اق وسى سالالاردى سيفرلاندىرۋ مەن اۆتوماتتاندىرۋعا قاتىستى.
مەملەكەت باسشىسىنىڭ تاپسىرمالارىن ورىنداۋ اياسىندا تەكسەرۋلەردى 7 ەسەگە قىسقارتۋعا قول جەتكىزىلدى.
تەكسەرۋلەر سۋبەكتىلەرى مەن وبەكتىلەرىنىڭ ءبىرىڭعاي ءتىزىلىمى (تسوبت) اۆتوماتتاندىرىلعان جۇيە ارقىلى جىل سايىن مىڭداعان زاڭسىز تەكسەرۋلەردىڭ جولىن كەسەدى. سوڭعى ءبىر جارىم جىلدا 35 مىڭ كاسىپكەرگە قاتىستى 1،5 ملرد تەڭگەگە اكىمشىلىك ايىپپۇلدار الىپ تاستالدى.
بيزنەس وكىلدەرى باس پروكۋروردىڭ ا.ج. 2 قىركۇيەكتەگى قىلمىستىق قۋدالاۋ ورگاندارىنىڭ اتىنا ادال كاسىپكەرلەردى قىلمىستىق پروسەسكە زاڭسىز تارتۋدان قورعايتىن تەتىكتەر مەن ناقتى ەرەجەلەر جازىلعان نۇسقاۋىن وڭ باعالادى.
جاڭا تالاپتاردى ورىنداۋ ءقازىردىڭ وزىندە وڭ ناتيجە كورسەتتى.
جالپى، بيىل بيزنەس سۋبەكتىلەرىنە قاتىستى زاڭسىز قوزعالعان 400-دەن استام قىلمىستىق ءىس توقتاتىلدى.
سونداي-اق، قاداعالاۋ ورگانىندا بيزنەستىڭ ءاردايىم زاڭناما تالاپتارىن ساقتاي بەرمەيتىنى اتاپ ءوتىلدى. قاراجاتتى زاڭسىز قولما-قول اقشاعا اينالدىرۋ، سالىقتان جالتارۋ، كاپيتالدىڭ جىلىستاۋى جالعاسىپ كەلەدى. اسىرەسە، ۇلەستىك قۇرىلىستا، ەڭبەك قۇقىقتارىن جانە باسقا دا سالالاردا بۇزۋشىلىقتار كەزدەسەدى.
«بيزنەسكە قولداۋ كورسەتە وتىرىپ، مەملەكەت سىزدەردىڭ تاراپتارىڭىزدان زاڭداردىڭ مۇلتىكسىز ورىندالۋىنا سەنەتىنىنە ەرەكشە نازار اۋدارعىم كەلەدى»، - دەدى بەريك اسىلوۆ.
ءوز كەزەگىندە «اتامەكەن» ۇكپ ءتورالقا ءتوراعاسى رايىمبەك باتالوۆ پروكۋراتۋرا ورگاندارى قۇرىلىپ جاتقان ەكوجۇيەنىڭ ماڭىزدى بولىگى، ال كاسىپكەرلەر مەن نەگىزگى مينيسترلىكتەردىڭ قاداعالاۋ ورگانى الاڭىندا كەزدەسۋى پروكۋراتۋرا ورگاندارىنىڭ بىرلەسكەن ديالوگقا اشىق ەكەندىگىنىڭ تاعى ءبىر دالەلى ەكەنىن جەتكىزدى.
كاسىپكەرلەردىڭ قۇقىقتارىن قورعاۋ جونىندەگى ۋاكىل رۋستام ءجۇرسىنوۆ پروكۋراتۋرا ورگاندارىمەن ءتيىمدى ىنتىماقتاستىق تۋرالى باياندادى. بيزنەس-ومبۋدسمەن ولاردى شەشۋ ءۇشىن اۋماقتىق پروكۋرورلاردى جۇمىلدىرۋدى قاجەت ەتەتىن كاسىپكەرلەردىڭ ءبىرقاتار پروبلەمالارىن ورتاعا سالدى.
پروكۋراتۋرا ورگاندارى مەن باقىلاۋشى ورگاندار جۇمىسىنىڭ جاڭا فورماتى تۋرالى دەپۋتاتتار مەن ادۆوكاتتار قوعامداستىعىنىڭ وكىلدەرى ءوز كوزقاراستارىن ءبىلدىردى.
كەزدەسۋ سوڭىندا بيزنەستى قورعاۋ بويىنشا 2023 جىلعا ارنالعان كەشەندى ءىس-شارالار جوسپارى قابىلداندى.