ۇلتتىق قوردىڭ جىلدىق ينۆەستيسيالىق تابىسىنىڭ تەڭ جارتىسى 18-گە تولماعان قازاقستاندىقتاردىڭ جەكە شوتتارىنا اۋدارىلىپ وتىرادى - جولداۋ
وسى باستاماعا قاتىستى پىكىر بىلدىرگەن ساياساتتانۋىشى سامات نۇرتازا بۇل جاستاردىڭ الەۋمەتتىك جاعدايىن جاقسارتىپ، اجىراسۋدىڭ ازايۋىنا سەپتىگىن تيگىزەتىنىن ايتتى، دەپ حابارلايدى Almaty-akshamy.kz Almaty.tv.cايتىنا سىلتەمە جاساپ.
«ەلىمىزدىڭ ۇلتتىق قورىنىڭ ينۆەستيسيالىق تابىسىنىڭ 50 پايىزىن 18 جاسقا دەيىنگى بالالارعا تولەۋ قاجەت دەگەن باستاما ورىندى. قازاقستاندا جاستاردىڭ كوبى ۇيسىز-كۇيسىز. بۇل باستاما، مەنىڭ ويىمشا، جاستاردىڭ باسپانالى بولۋىنا ۇلكەن ءدۇمپۋ بولايىن دەپ تۇر. دالىرەك ايتساق، الەۋمەتتىك جاعدايدىڭ جاقسارۋى مەن اجىراسۋدىڭ ازايۋىنا تىكەلەي اسەر ەتەدى. سونىمەن قاتار، قوعامداعى شيەلەنىسكەن ۇردىستەردى ازايتادى»، - دەدى سامات نۇرتازا.
بۇدان وزگە، ساياساتتانۋشى جولداۋدا كوتەرىلگەن جولداردىڭ ساپاسىن ارتتىرۋ باستاماسى – ەكونوميكانىڭ دامۋىنا سەرپىن بەرەتىنىن اتاپ ءوتتى.
«مەملەكەت باسشىسى اتاعان الەۋمەتتىك ماسەلەنىڭ ءبىرى – 2025 جىلعا دەيىن 95 پايىز اۆتوجول جوندەلەدى. جولدىڭ ماسەلەسىن ءبىر ادامداي سەزىنىپ ءجۇرمىز. تاس جولدار جوندەلسە، جاڭاسى سالىنسا، ەكونوميكا قارقىندى داميدى. ول – ارتەريا. سەبەبى، بارلىق ساۋدا-ساتتىق، ىشكى تاسىمال ءدال وسى تاس جولدارعا بايلانىستى بولىپ وتىر»، - دەپ پىكىر ءبىلدىردى ساياساتتانۋشى.