قالا ەپيداحۋال ماتريساسى بويىنشا «سارى» ايماققا كىردى.
ەلوردادا كوروناۆيرۋسقا شالدىققاندار سانى كۇرت وسۋىنە بايلانىستى كارانتيندىك شەكتەۋ شارالارى قابىلداندى، دەپ حابارلايدى Almaty-akshamy.kz.
شەكتەۋ شارالارى:
- ناۋقاسپەن جاقىن بايلانىستا بولعان ادامداردى قاشىقتان جۇمىس ىستەۋگە اۋىستىرۋ؛
- COVID-19-عا قارسى ۆاكسيناسيالاۋعا ءابسوليۋتتى قارسى كورسەتىلىمدەرى بار قىزمەتكەرلەردى جانە جۇكتى ايەلدەردى قاشىقتان جۇمىس ىستەۋگە اۋىستىرۋ؛
- ادام كوپ جينالاتىن ورىندارعا (ساۋدا ويىن-ساۋىق ورتالىقتارى، ساۋدا ۇيلەرى، جابىق بازار، كونسەرت زال، تەاتر، كينوتەاتر، ستاديون، سپورت عيماراتتارى) بارعان كەزدە، سونداي-اق 5 جاسقا دەيىنگى بالالاردى قوسپاعاندا جانە تاماقتانۋ كەزىندە قالالىق قوعامدىق كولىكتە جول جۇرگەن كەزدە بەتپەردە تاعۋ ۇسىنىلادى؛
- 10-نان استام ادامنىڭ قاتىسۋىمەن وتەتىن جيىنداردى ونلاين فورماتقا كوشىرۋ ۇسىنىلدى؛
سانيتارلىق-ەپيدەميولوگيالىق باقىلاۋ دەپارتامەنتى حالىقتى سەبەپسىز ادام كوپ جينالاتىن ورىندارعا بارماۋعا، شەكتەۋ شارالارىن ساقتاۋعا شاقىرادى.