ەرتەڭ «ىقىلاستىڭ قارا قوبىزى» ءداستۇرلى مۋزىكالىق كەشى وتەدى

كەش كۇيشىنىڭ 180 جىلدىعىنا ارنالعان.

2023 جىلدىڭ 10 اقپان كۇنى ساعات 16:00-دە «الماتى قالاسى مۋزەيلەر بىرلەستىگى» كمقك ىقىلاس اتىنداعى حالىق مۋزىكالىق اسپاپتار مۋزەيىندە ىقىلاس دۇكەن ۇلىنىڭ 180 جىلدىعىنا ارنالعان «ىقىلاستىڭ قارا قوبىزى» اتتى ءداستۇرلى مۋزىكالىق كەش ءوتىپ، قوبىزىنىڭ كوشىرمەسى مۋزەي قورىنا قابىلدانادى، دەپ حابارلايدى Almaty-akshamy.kz

ىقىلاس دۇكەن ۇلى – قازاق حالقىنىڭ داۋلەسكەر كۇيشى-قوبىزشىسى، قازاقتىڭ ۇلتتىق ىسپالى اسپاپتى مۋزىكاسىنىڭ كورنەكتى وكىلدەرىنىڭ ءبىرى. تۇلعاسى رۋحاني تاريحىمىزدىڭ تورىنەن ورىن العان، قورقىت بابادان كەيىنگى قوبىزعا ءتىل بىتىرگەن ادام. ول قوبىزدىڭ دىبىس-داۋىسىن ناق جانە ايقىن شىعۋىنا سەبەپكەر بولعان. 19 جاسىندا ىقىلاس ءوزىنىڭ ءبىرىنشى كۇيىن جازىپ «ىقىلاس كۇيى» دەگەن اتاۋ بەرگەن. ول ءوزىنىڭ ەڭ اسىل ويلارىن قوبىزدىڭ ءۇن-دىبىسىنىڭ ىشەكتەرىنە سىڭىرىلگەن  كۇيلەرمەن جەتكىزە بىلگەن.

ىقىلاستىڭ العاشقى ءبىرتۋما كۇيلەرى قازاق حالقىنىڭ مۋزىكالىق اۋىز ادەبيەتىمەن تىعىز بايلانىستى. ولار وزگە اسپاپتىق شىعارمالاردان شاپشاڭدىعىمەن جانە ىرعاق قۇرىلىسىمەن وزگەشەلەنەدى. سونىمەن قاتار، ولاردا تاقىرىپتىق كولەمىمەن وي-سانا مازمۇندارىنىڭ كوپقىرلىلىعى بايقالادى. ىقىلاس ەپوستىق-باتىرلىق تۇرعىداعى كۇيلەرىمەن قاتار فيلوسوفيالىق-ليريكالىق باعىتتاعى شىعارمالاردى دا ورىنداعان. ونىڭ «اققۋ»، «جەزكيىك»، «قامبار-نازىم»، «قاسقىر»، «كەرتولعاۋ»، «ەردەن» سىندى كۇيلەرى حالىق اراسىندا كەڭ تاراعان.

1990 جىلى الماتى قالاسىنداعى حالىق مۋزىكالىق اسپاپتار مۋزەيىنە داڭقتى قوبىزشىنىڭ ەسىمى بەرىلگەن.

كەش جۇرگىزۋشىسى: ىقىلاس دۇكەن ۇلىنىڭ ۇرپاعى، ءو.ع.ك.، ق ر مادەنيەت سالاسىنىڭ ۇزدىگى اقنار ءتاتتىباي قىزى.

كەش قوناقتارى: «سازگەن سازى» فولكلورلىق-ەتنوگرافيالىق ءانسامبلى، قۇرمانعازى اتىنداعى قازاق ۇلتتىق كونسەرۆاتورياسىنىڭ ستۋدەنتتەرى مەن كۇلاش بايسەيىتوۆا اتىنداعى دارىندى بالالارعا ارنالعان مەكتەپ وقۋشىلارى.

وتەتىن ورنى مەن ۋاقىتى: الماتى ق.، زەنكوۆ ك.، 24 ا

10 اقپان، 2023 ج.، ساعات 16:00.

قوسىمشا اقپارات: 248-40-71، 291-69-17

Instagram: @ykhlas_museum

Facebook: حالىق مۋزىكالىق اسپاپتار مۋزەيى