ەلىمىزدە ءۇي جالداۋدىڭ باعاسى ارزانداعان

بۇل - ۇلتتىق ستاتيستيكا بيۋروسى تاراتقان مالىمەت.

اقپارات بويىنشا، قاڭتاردا تۇرعىن ءۇيدى جالعا بەرۋ نارىعىندا باعا 2،5%-عا تومەندەدى، دەپ حابارلايدى Almaty-akshamy.kz

ال ءبىر ايدىڭ ىشىندە (2023 جىلعى قاڭتار 2022 جىلعى جەلتوقسانعا) جاڭا تۇرعىن ءۇيدى ساتۋ باعاسى – 0،7%، قولدانىستاعى پاتەرلەر ساۋداسىنداعى باعا 0،3% ءوستى.

ماسەلەن، ساتىلاتىن جاڭا تۇرعىن ءۇيدىڭ ءبىر شارشى مەترىنىڭ باعاسى 481 891 تەڭگە، پاتەرلەردى قايتا ساتۋ 515 019 تەڭگە، اباتتاندىرىلعان تۇرعىن ءۇيدى ءبىر شارشى مەترىن جالعا الۋ قۇنى 4 671 تەڭگە بولدى.

ستاتيستەر ۇسىنعان اقپاراتقا سۇيەنسەك، ءبىر جىلدا (2023 جىلعى قاڭتار 2022 جىلعى قاڭتارعا) قولدانىستاعى پاتەرلەردى قايتا ساتۋ باعاcى – 18،7%، جاڭا تۇرعىن ۇيلەردى ساتۋ 14% ءوستى. اباتتاندىرىلعان تۇرعىن ءۇيدى جالعا بەرۋ تولەمى وتكەن جىلعى ءتيىستى ايمەن سالىستىرعاندا 2023 جىلعى قاڭتاردا 34،3% ارتتى.

وڭىرلەر بولىنىسىندە جاڭا پاتەرلەر نارىعىندا جىلدىق ماندە باعا اقتاۋ – 28،2%، اقتوبە – 25،4%، پەتروپاۆل – 20،9% قالالارىندا ەداۋىر ءوستى.

قولدانىستاعى پاتەرلەر ساۋداسى نارىعىندا سەمەي (46،8%)، قىزىلوردا (38،8%)، اقتوبە (37،3%)، اقتاۋ (35،4%)، تالدىقورعان (32،9%)، قوستاناي (31%) قالالارى كوپ باستاپ تۇر، ال تۇرعىن ءۇيدى جالعا الۋ نارىعىندا باعا قوستاناي (55،6%)، كوكشەتاۋ (55،1%)، الماتى قالالارىندا (50،7%) جوعارى ءوسىم كورسەتكەن.