قازاقستاندا 2026 جىلعى 20 قاڭتاردا سالىق ەسەپتىلىگىن تاپسىرۋ جانە مىندەتتى تولەمدەردى تولەۋ مەرزىمى اياقتالادى.
"پاراگراف" اقپاراتتىق جۇيەسىنىڭ مالىمەتىنشە، 2026 جىلعى 20 قاڭتاردان كەشىكتىرمەي تومەندەگى سالىق ەسەپتىلىكتەرىن (سەن) تاپسىرۋ قاجەت:
328.00-نىسان – 2025 جىلعى جەلتوقسان ءۇشىن تاۋارلاردى اكەلۋ جانە جاناما سالىقتاردى تولەۋ تۋرالى ءوتىنىش؛
851.00-نىسان – جەر ۋچاسكەلەرىن پايدالانعانى ءۇشىن اعىمداعى تولەمدەر سوماسىن ەسەپتەۋ (ەگەر جەر پايدالانۋ شارتى جاسالعان نەمەسە قاتتى پايدالى قازبالاردى وندىرۋگە ليسەنزيا 2025 جىلعى جەلتوقساندا الىنعان بولسا)؛
870.00-نىسان – قورشاعان ورتاعا تەرىس اسەر ەتكەنى ءۇشىن تولەمدەر بويىنشا دەكلاراسيا (2025 جىلعا 100 ايلىق ەسەپتىك كورسەتكىشكە دەيىنگى تولەمدەر بويىنشا، رۇقسات 2025 جىلعى جەلتوقساندا الىنعان جاعدايدا).
سونىمەن قاتار، تومەندەگى سالىقتار مەن تولەمدەردى تولەۋ قاجەت:
2025 جىلعى جەلتوقسان ءۇشىن ەۋرازيالىق ەكونوميكالىق وداق شەڭبەرىندەگى قوسىلعان قۇن سالىعى؛
2025 جىلعى جەلتوقسان ءۇشىن، ونىڭ ىشىندە ەۋرازيالىق ەكونوميكالىق وداقتان اكەلىنگەن تاۋارلار بويىنشا اكسيز سالىعى؛
2025 جىلعا قورشاعان ورتاعا تەرىس اسەر ەتكەنى ءۇشىن تولەم (100 ايلىق ەسەپتىك كورسەتكىشكە دەيىنگى تولەمدەر بويىنشا ءنورماتيۆتى ساتىپ الۋ، رۇقسات 2025 جىلعى جەلتوقساندا الىنعان جاعدايدا)؛
2025 جىلدىڭ ءتورتىنشى توقسانى ءۇشىن ۇزاق مەرزىمدى ورمان پايدالانعانى ءۇشىن تولەم؛
2025 جىلدىڭ ءتورتىنشى توقسانى ءۇشىن وسىمدىك رەسۋرستارىن پايدالانعانى ءۇشىن تولەم.