قازگيدرومەت ماماندارى 20، 21، 22 قاڭتارعا ارنالعان اۋا رايى بولجامىن جاريالادى، - دەپ حابارلايدى aqshamnews.kz
الداعى ءۇش تاۋلىكتە قازاقستاننىڭ باسىم بولىگىندە قار جاۋىپ، جەل كۇشەيەدى. ەلدىڭ وڭتۇستىگىندە دە جاڭبىر، قار جاۋىپ، 22 قاڭتاردا تاۋلى جەرلەردە قالىڭ قار جاۋادى.
رەسپۋبليكا بويىنشا تۇمان تۇسەدى، ال ەلدىڭ وڭتۇستىگى مەن وڭتۇستىك-شىعىسىندا كوكتايعاق بولادى.
22 قاڭتاردا جاڭا جەر اۋداندارىنان ىعىسقان سۋىق انتيسيكلون رەسپۋبليكانىڭ سولتۇستىك جارتىسىنا اسەر ەتىپ، بۇل وڭىرلەردە اۋا تەمپەراتۋراسى تۇندە 25-38 گرادۋس ايازعا دەيىن، كۇندىز 20-30 گرادۋس ايازعا دەيىن تومەندەيدى.
قازاقستاننىڭ باتىسىندا، وڭتۇستىك-باتىسىندا، وڭتۇستىگىندە جانە وڭتۇستىك-شىعىسىندا اۋا تەمپەراتۋراسى بىرتىندەپ جوعارىلايدى. كۇندىز وڭتۇستىك وڭىرلەردە اۋا تەمپەراتۋراسى 5 گرادۋس ايازدان 3 گرادۋس جىلىعا دەيىن كوتەرىلسە، تاۋلى اۋدانداردا 8-13 گرادۋس اياز، باتىس وڭىرلەردە 5-13 گرادۋس اياز بولادى.