جارىستىڭ جالپى جۇلدە قورى – 19 ملن تەڭگە.
قوستاناي وبلىسىنىڭ زارەچنوە اۋىلىنداعى «ارعىماق» يپپودرومىندا قوستاناي جىلقىلارى اراسىندا وسى جىلداعى العاشقى اۋقىمدى رەسپۋبليكالىق بايگە وتەدى، دەپ حابارلادى Almaty-akshamy.kz
قوستاناي جىلقىلارىنىڭ بايگەسى 2022 جىلدان باستاپ ءۇشىنشى جىل قاتارىنان وتكىزىلىپ كەلەدى. 2022 جىلى قوستاناي جىلقىلارىنىڭ بايگەسىنە 40-قا جۋىق سايگۇلىك قاتىسقان بولسا، بيىل 50-گە جۋىق جىلقى شابادى دەپ جوسپارلانىپ وتىر. جىل سوڭىنا دەيىن قوستاناي جىلقىلارى اراسىندا تاعى 4 ات جارىسى وتەدى.
بىلتىر ۇلتتىق سپورت قاۋىمداستىعىنىڭ قولداۋىمەن سەنات دەپۋتاتتارى قوستاناي جىلقى تۇقىمىن ساقتاۋ جانە ءوسىمىن كوبەيتۋ تۋرالى زاڭ قابىلداۋ باستاماسىن كوتەرىپ، ونى پارلامەنت ءماجىلىسى ماقۇلدادى.
جارىس 5 قاشىقتىق بويىنشا وتەدى: ۇشقىر بايگە 1 مىڭ مەترگە (جۇلدە قورى – 3 ملن تەڭگە)، ۇشقىر بايگە 1 800 مەترگە (جۇلدە قورى – 3 ملن تەڭگە)، ۇشقىر بايگە 2 مىڭ مەترگە (جۇلدە قورى – 3 ملن تەڭگە)، قۇنان بايگە 5 مىڭ مەترگە (جۇلدە قورى – 4 ملن تەڭگە)، الامان بايگە – باستى قاشىقتىق 18 مىڭ مەترگە (جۇلدە قورى – 6 ملن تەڭگە).
جارىستىڭ جالپى جۇلدە قورى – 19 ملن تەڭگە جەڭىمپازدار اراسىندا بولىنەدى (I، II، III ورىندار).
ايتا كەتسەك، قوستاناي جىلقىسى – ۇلتتىق ات سپورتى تۇرلەرىن دامىتۋ ءۇشىن كەڭىنەن قولدانىلاتىن جالعىز سپورتتىق باعىتتاعى قازاقتىڭ اسىل تۇقىمدى جىلقىسى.
ات جارىسى ۇلتتىق سپورت قاۋىمداستىعىنىڭ، تۋريزم جانە سپورت مينيسترلىگىنىڭ، قوستاناي وبلىسى اكىمدىگىنىڭ، بايگە رەسپۋبليكالىق فەدەراسياسىنىڭ جانە Qazaq Jockey Club قولداۋىمەن وتەدى. ءىس-شارانىڭ باس سەرىكتەسى – «سامۇرىق-قازىنا» اق، سەرىكتەسى – Sport Qory سپورتتى قولداۋ قورى.
مەكەن-جايى: قوستاناي وبلىسى، زارەچنوە سەلوسى، «ارعىماق» يپپودرومى.
وتەتىن كۇنى: 25 مامىر 2024 جىل
باستالۋى: ساعات 11:00-دە.