پەتر پاۆەل موتوسيكلمەن جول اپاتىنا ءتۇسىپ، اۋرۋحاناعا ءتۇستى.
ول پراگا اسكەري ۋنيۆەرسيتەتىنىڭ گوسپيتالىندە قىسقا مەرزىمدى باقىلاۋدا بولادى، دەپ حابارلايدى Almaty-akshamy.kz
ءۆۆس-دىڭ حابارلاۋىنشا، 62 جاستاعى پرەزيدەنتتىڭ جاراقاتى «اۋىر ەمەس»، دەگەنمەن ونىڭ ەمدەۋ مەكەمەسىندە نەشە كۇن بولاتىنى بەلگىسىز.
چەحيا پوليسياسى بۇل وقيعانى تەرگەپ جاتقان جوق. سەبەبى ول جولدا ەمەس، جابىق جارىس جولىندا بولعانىن ايتتى.
باق-تىڭ مالىمەتىنە قاراعاندا، ول BMW R1200GS موتوسيكلىمەن جۇرگەن.
«ونىڭ جاراقاتتارى اۋىر ەمەس. ءبىراق ول پراگا اسكەري ۋنيۆەرسيتەتىنىڭ گوسپيتالىندە قىسقا مەرزىمدى باقىلاۋدا بولادى»، – دەپ حابارلادى چەحيا پرەزيدەنتىنىڭ كەڭسەسى.
30 مامىردا چەحيا پرەزيدەنتى پراگادا ناتو ەلدەرىنىڭ سىرتقى ىستەر مينيسترلەرىمەن كەزدەسۋى جوسپارلانعان.
پەتر پاۆەل بىلتىر چەحيا پرەزيدەنتى بولىپ سايلانعان. ول سول كەزدە قىزمەتكە كىرىسكەننەن كەيىن دە موتوسيكلمەن جۇرە بەرەتىنىن، بۇرىنعىشا موتوسيكل جۇرگىزۋدى تاستامايتىنىن، مۇمكىندىك بولىپ جاتسا، جۇمىسقا مىندەتتى تۇردە موتوسيكلمەن باراتىنىن ايتقان ەدى.