2022 جىلعى جۇڭگو استاناسى بەيجىڭ قالاسىندا وتەتىن XXIV قىسقى وليمپيادا ويىندارىنا قازاقستان قۇراماسى ەرتەڭ، ياعني 27 قاڭتار كۇنى، اتتانادى، دەپ حابارلايدى اlmaty-akshamy.kz
قازاقستان ۇلتتىق وليمپيادا كوميتەتىنىڭ حابارلاعانىنداي، قازىرگى تاڭدا قازاقستاندىق اتلەتتەر جابىق كارانتين ايماقتارىندا ورنالاسقان. كوماندانىڭ نەگىزگى بولىگى نۇر-سۇلتان مەن الماتى ارقىلى چارتەرلىك رەيسپەن قىتايعا ۇشادى.
ال شەتەلدەردە وقۋ-جاتتىعۋ جيىندا جۇرگەن سپورتشىلار جەكە گرافيك بويىنشا بەيجىڭگە سول وزدەرى تۇرعان ەلدەن تىكە ۇشىپ بارادى.
ايتا كەتەيىك، اتالعان اق وليمپيادادا ەلىمىزدىڭ نامىسىن 34 سپورتشى قورعايدى. ولار قىسقى سپورت تۇرلەرىنىڭ ىشىندە سپورتتىق شاڭعى جارىسى، فريستايل-موگۋل، شاڭعى اكروباتيكاسى، تاۋ شاڭعىسى، شاڭعىمەن سەكىرۋ، بياتلون جانە شورت-ترەك تۇرلەرىنەن جۇلدەلى ورىندارعا تالاسادى.
وليمپيادا ويىندارى 4 اقپان كۇنى باستالىپ، 16 اقپاندا مارەسىنە جەتەدى. الدىن الا مالىمەتتەر بويىنشا، بۇل ويىندارعا الەمنىڭ 95 ەلىنەن 4 مىڭنان استام سپورتشى قاتىسادى. وندا 109 مەدال جيىنتىعى ساراپقا سالىنادى.