دەنساۋلىق ساقتاۋ مينيسترلىگى مەديسينالىق كومەكتىڭ ساپاسىن جاقسارتۋ ماقساتىندا قازاقستاندىقتاردان 100 كۇن بويى ۇسىنىستار قابىلدايدى. بۇل تۋرالى ۆەدومستۆو باسشىسى اجار عينيات ءمالىم ەتتى، دەپ حابارلايدى اlmaty-akshamy.kz
«مەملەكەت باسشىسىنىڭ «حالىق ۇنىنە قۇلاق اساتىن مەملەكەت» نەگىزگى قاعيداتتارىن ىسكە اسىرۋدىڭ ماڭىزدىلىعىن نازارعا الا وتىرىپ، دەنساۋلىق ساقتاۋ مينيسترلىگى ازاماتتاردىڭ ساۋالدارىنا ۋاقتىلى جانە تەز كوڭىل ءبولىپ، ەل ازاماتتارىنىڭ ءومىرى مەن دەنساۋلىعىن ساقتاۋ جونىندەگى الەۋمەتتىك ساياساتتىڭ باسىم مىندەتتەرىن ىسكە اسىرۋ بويىنشا بۇكىل كۇش-جىگەرىن جۇمسايدى.
سوعان بايلانىستى، جۇمىستا اشىقتىق پەن جاريالىلىقتى ۇستانىپ، ءبىزدىڭ ازاماتتارىمىزدىڭ مۇددەلەرىنە باسىمدىق بەرە وتىرىپ، بيۋروكراتياسىز، قاراپايىم ازاماتتاردىڭ، قوعام مۇشەلەرىنىڭ قاتىسۋىمەن سىزدەرمەن اشىق ديالوگ قۇرۋ ءۇشىن قولداۋ كورسەتۋگە شاقىرامىز جانە دەنساۋلىق ساقتاۋ جۇيەسىن جاقسارتۋ ءۇشىن «100 كۇن - 100 سۇراق» بىرلەسكەن جوباسىنىڭ باستالعانى تۋرالى حابارلايمىز.
تومەندە كورسەتىلگەن الەۋمەتتىك جەلىلەردەگى اككاۋنتتار مەن ەلەكتروندىق پوشتاعا مەديسينالىق كومەكتىڭ ساپاسىن جاقسارتۋ مەن دەنساۋلىق ساقتاۋدىڭ باسقا دا اسپەكتىلەرى تۋرالى ءوز ۇسىنىستارىڭىزدى ەنگىزۋدى سۇرايمىن»، - دەپ جازدى مينيستر.
دەنساۋلىق ساقتاۋ مينيسترلىگىنە كەلەسى بايلانىس تەتىكتەرى ارقىلى ارىز-ۇسىنىس جولداۋعا بولادى: ەلەكتروندى پوشتا - 100dnei100voprosov@mail.kz؛ رەسمي سايت - https://www.gov.kz/memleket/entities/dsm؟lang=ru؛ الەۋمەتتىك جەلىلەردەگى رەسمي پاراقشالار - https://instagram.com/healthcare.gov.kz؟utm_medium=copy_link؛ https://www.facebook.com/MinzdravRK