بۇل كورسەتكىش ولاردىڭ جۇمىستارىنىڭ تۇراقسىز ەكەنىن كورسەتەدى.
بۇل تۋرالى «اشىق» نقا پورتالىندا جاريالاعان ەڭبەك نارىعىن دامىتۋدىڭ 2028 جىلعا دەيىنگى كەشەندى جوسپارىندا ايتىلعان، دەپ حابارلايدى Almaty-akshamy.kz قازاقپاراتقا cىلتەمە جاساپ.
«قازاقستاندا 1،2 ملن ادام بەيرەسمي نەمەسە تۇراقسىز جۇمىسپەن قامتۋ جاعدايىندا جۇمىس ىستەيدى. ال ولاردىڭ تابىسى باعالانبايدى. قازاقستاندا بەيرەسمي جۇمىسپەن قامتۋ نەگىزىنەن تومەن تابىسپەن جانە ونىمدىلىگى تومەن ارزان ەڭبەكپەن بايلانىستى. ماسەلەن، بەيرەسمي سەكتوردا جۇمىسپەن قامتىلعانداردىڭ 40%-ى زاۋىتتارعا، فابريكالارعا، اتەلەگە (37%) جانە جەكە قوسالقى شارۋاشىلىقتارعا (36%) شوعىرلانعان. قۇرىلىس الاڭدارىندا (2%)، اشىق بازارلاردا (2%)، مەنشىكتى اۆتوكولىك قۇرالدارىندا (2%) ەلەۋسىز ۇلەس بايقالادى. سونىمەن قاتار، بەيرەسمي جۇمىسپەن قامتۋ سانى 15 ادامنان (57%) اسپايتىن شاعىن ۇيىمدارعا ءتان»، - دەلىنگەن ۆەدومستۆو تالداۋىندا.
ەڭبەك جانە حالىقتى الەۋمەتتىك قورعاۋ مينيسترىلىگىنىڭ مالىمەتىنشە، بەيرەسمي جۇمىسپەن قامتۋدىڭ تارالۋىنا اسەر ەتەتىن ماڭىزدى فاكتور ءبىلىم دەڭگەيىنىڭ تومەندىگى.
«2021 جىلى بەيرەسمي جۇمىسپەن قامتىلعانداردىڭ 59%-ى تەحنيكالىق جانە كاسىپتىك، ال 23% ورتا ءبىلىم العان. قالعان 18%-نىڭ جوعارى ءبىلىمى بار. اۋىلدىق جەرلەردە تۇراتىن ادامدار بەيرەسمي تۇردە قالا تۇرعىندارىنا قاراعاندا 2 ەسە كوپ جۇمىس ىستەيدى»، - دەپ كورسەتىلگەن كەشەندى جوسپاردا.
وسى تۇيتكىلدەردى الدىن الا شەشۋ ماقساتىندا ەڭبەك جانە حالىقتى قوراعاۋ مينيسترىگى ەڭبەك نارىعىن دامىتۋدىڭ 5 جىلدىق جوسپارىن بەكىتۋدى ۇسىنىپ وتىر.