ەرتەڭ ەلىمىزدىڭ ءبىراز بولىگىندە قاتتى اياز بولادى

بۇل – اركتيكالىق انتيسيكلوننىڭ اسەرى.

سينوپتيكتەر رەسپۋبليكا بويىنشا 11 قاڭتارعا ارنالعان اۋا رايى بولجامىن ۇسىندى، دەپ حابارلايدى Almaty-akshamy.kz «قازگيدرومەت»-كە سىلتەمە جاساپ.  

«قازگيدرومەت»  رمك ۇسىنعان اقپارات بويىنشا، ەل اۋماعىنىڭ باسىم بولىگىندە اركتيكالىق انتيسيكلوننىڭ اسەرىنەن جاۋىن-شاشىنسىز ايازدى اۋا رايى ساقتالادى.

«رەسپۋبليكانىڭ وڭتۇستىگىندە، وڭتۇستىك-شىعىسىندا، شىعىسىندا، سولتۇستىگىندە اتموسفەرالىق فرونتالدى بولىمدەردىڭ وتۋىمەن قار جاۋادى، رەسپۋبليكانىڭ وڭتۇستىگىندە، وڭتۇستىك-شىعىسىندا، تاۋلى اۋداندارىندا كەي ۋاقىتتاردا قاتتى قار جاۋىپ، جەل كۇشەيەدى، بۇرقاسىن، كوكتايعاق بولادى. رەسپۋبليكا بويىنشا تۇمان بولجاندى»، - دەلىنگەن «قازگيدرومەت» رمك تاراتقان اقپاراتتا.

سينوپتيكتەردىڭ بولجامىنشا:

تۇندە اقتوبە وبلىسىنىڭ سولتۇستىگىندە - 40-41 گرادۋس وتە قاتتى اياز؛

ماڭعىستاۋ وبلىسىندا  - 25 گرادۋس وتە قاتتى اياز؛

اقمولا وبلىسىندا - 40 گرادۋس قاتتى اياز؛

قاراعاندى وبلىسىندا - 35-38 گرادۋس قاتتى اياز؛

اقتوبە وبلىسىندا - 35-36 گرادۋس قاتتى اياز؛

اتىراۋ وبلىسىندا - 30 گرادۋس قاتتى اياز؛

تۇركىستان وبلىسىنىڭ سولتۇستىگىندە - 25-27 گرادۋس قاتتى اياز؛

جەتىسۋ وبلىسىنىڭ سولتۇستىگىندە، تاۋلى اۋداندارىندا - 25 گرادۋس قاتتى اياز بولادى.

استانا قالاسى – كوشپەلى بۇلتتى، كەي ۋاقىتتاردا ازداعان قار جاۋادى. باتىستان جەل سوعادى، كۇشى 3-8 م/س بولادى. اۋانىڭ تەمپەراتۋراسى تۇندە 35-37°س، كۇندىز 26-28°س اياز بولادى.

الماتى قالاسى – بۇلتتى، كەي ۋاقىتتاردا قار جاۋادى، تۇمان، كوكتايعاق. جەل سوعادى، كۇشى 0-5 م/س. اۋانىڭ تەمپەراتۋراسى تۇندە جانە كۇندىز 10-12°س اياز، كۇندىز تاعى سۋىتا تۇسەدى.

شىمكەنت قالاسى – كوشپەلى بۇلتتى، تۇندە جانە تاڭەرتەڭ كەي ۋاقىتتاردا قار جاۋادى، تۇمان تۇسەدى. سولتۇستىك-باتىستان، سولتۇستىكتەن جەل سوعادى، كۇشى 8-13 م/س. اۋانىڭ تەمپەراتۋراسى تۇندە 14-16°س، كۇندىز 8-10°س اياز بولادى.