جاتاقحانانى بولۋدە بەلگىلى ءبىر سانات مۇشەلەرىنە باسىمدىق بەرىلەدى.
عىلىم جانە جوعارى ءبىلىم ءمينيسترى 2022 جىلعى 30 جەلتوقسانداعى بۇيرىقپەن جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ جاتاقحانالارىندا ورىنداردى ءبولۋدىڭ جاڭا ەرەجەلەرىن بەكىتتى، دەپ حابارلايدى Almaty-akshamy.kz Zakon.kz-كە سىلتەم جاساپ.
جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىندا ءبىلىم الۋشىلارعا جاتاقحانا بەرۋ (مەملەكەتتىك قىزمەت) ءوتىنىش نەگىزىندە جەكە تۇلعالارعا تەگىن كورسەتىلەدى.
جاتاقحانالاردا بوس ورىنداردىڭ بولۋى تۋرالى اقپارات اي سايىن جوو-نىڭ رەسمي سايتىندا جاريالانادى.
جاتاقحاناداعى ورىنداردى كونكۋرستىق نەگىزدە ارنايى قۇرىلعان كوميسسيا وسى تارتىپپەن بولەدى:
مۇگەدەكتىگى بار ادامدارعا، جەتىم بالالار مەن اتا-اناسىنىڭ قامقورلىعىنسىز قالعان بالالارعا، اتا-اناسىنىڭ بىرەۋى نەمەسە ەكەۋى دە مۇگەدەك ادامدارعا؛
كامەلەتكە تولعانعا دەيىن اتا-اناسىنىڭ قامقورلىعىنسىز قالعان جاستار قاتارىنداعى ادامدارعا، جەڭىلدىكتەرى بويىنشا ۇوس ارداگەرلەرىنە تەڭەستىرىلگەن ارداگەرلەرگە، اۋىلدىڭ الەۋمەتتىك-ەكونوميكالىق دامۋىن ايقىندايتىن ءبىلىم بەرۋ باعدارلامالارى بويىنشا وقۋعا تۇسكەن اۋىل جاستارى قاتارىنداعى ادامدارعا، سونداي-اق قانداستارعا؛
«ماڭگىلىك ەل جاستارى – يندۋسترياعا!» («سەرپىن-2050») جوباسى اياسىندا وقيتىندارعا؛
ءبىرىنشى كۋرسقا قابىلدانعان، «التىن بەلگى» بەلگىسى بار ءبىلىم الۋشىلارعا، پرەزيدەنتتىك، حالىقارالىق جانە رەسپۋبليكالىق وليمپيادانىڭ جانە كونكۋرستىڭ جەڭىمپازى نەمەسە جۇلدەگەرى سەرتيفيكاتى بار ءبىلىم الۋشىلارعا، سونداي-اق ءبىلىمى تۋرالى راستايتىن قۇجاتپەن (كۋالىك، اتتەستات، ديپلوم) ۇيىمدى ۇزدىك بىتىرگەن تالاپكەرلەرگە؛
مەملەكەتتىك ءبىلىم بەرۋ تاپسىرىسىنا سايكەس ءبىرىنشى كۋرسقا قابىلدانعان، ۇبت نەمەسە كەشەندى تەستىلەۋ، پاندەر بويىنشا ءتۇسۋ ەمتيحاندارى نەمەسە ءبىلىم بەرۋ ۇيىمى وتكىزگەن تەستىلەۋ نىسانى بويىنشا جوعارى بالل العان ءبىلىم الۋشىلارعا.
وقۋ، عىلىمي جانە قوعامدىق جۇمىستاردا جوعارى ناتيجەلەرى بار جوعارى كۋرس وقۋشىلارى قاتارىنداعى ءبىلىم الۋشىلارعا؛
ججوكبۇ-نىڭ وزگە دە ءبىلىم الۋشىلارى.
ءوتىنىشتى قابىلداۋ جانە مەملەكەتتىك قىزمەت كورسەتۋ ناتيجەسىن بەرۋ كەلەسىدەي جۇزەگە اسىرىلادى:
ججوكبۇ؛
www.egov.kz «ەلەكتروندىق ۇكىمەتتىڭ» ۆەب-پورتالى؛
بۇيرىق 2023 جىلعى 20 قاڭتاردان باستاپ قولدانىسقا ەنگىزىلەدى.