15 قىركۇيەكتە جالپىعا بىردەي دەكلاراسيالاۋدىڭ ەكىنشى كەزەڭىنىڭ دەكلاراسياسىن ەلەكتروندىق فورماتتا تاپسىرۋ مەرزىمى اياقتالادى.
وكق بريفينگىندە سويلەگەن سوزىندە الماتى قالاسى بويىنشا مەملەكەتتىك كىرىستەر دەپارتامەنتىنىڭ وندىرىستىك ەمەس تولەمدەر باسقارماسىنىڭ باسشىسى قۋانىش تۇمەنبايەۆ قالا تۇرعىندارىنا دەكلاراسيانى كورسەتىلگەن مەرزىمدە تاپسىرۋ قاجەتتىگىن ەسكە سالدى، دەپ حابارلايدى Almaty-akshamy.kz.
قازىرگى ۋاقىتتا الماتىدا تابىس تۋرالى دەكلاراسيانى 124 339 ادام نەمەسە حالىقتىڭ 82% ۇسىندى. جالپىعا بىردەي دەكلاراسيالاۋدىڭ ەكىنشى كەزەڭى اياسىندا بارلىعى 152 484 ادام دەكلاراسيا تاپسىرۋى ءتيىس.
“دەكلاراسيانى تاپسىرماعان ادامداردىڭ سانى 28 145 ادامدى نەمەسە 18% -دى قۇرايدى. دەكلاراسيانى تاپسىرماعان ادامداردىڭ جالپى سانىنىڭ 61% - ى نەمەسە 18 440 ادام ءبىلىم، دەنساۋلىق ساقتاۋ، مادەنيەت جانە سپورت سالاسىنىڭ قىزمەتكەرلەرىنە، قالعانى كۆازيمەملەكەتتىك سەكتور قىزمەتكەرلەرىنە تيەسىلى”، - دەدى ق.تۇمەنبايەۆ.
اكتيۆتەر مەن مىندەتتەمەلەر تۋرالى دەكلاراسيانى قاعاز نۇسقاسىندا بەرۋ مەرزىمى-2023 جىلعى 15 شىلدەدەن كەشىكتىرىلمەۋى، ال ەلەكتروندىق تۇردە - 2023 جىلعى 15 قىركۇيەكتەن كەشىكتىرىلمەۋى ءتيىس.
سپيكەر قازاقستاندا جالپىعا بىردەي دەكلاراسيالاۋ 2021 جىلعى 1 قاڭتاردان باستاپ ەنگىزىلگەنىن جانە ونىڭ 4 كەزەڭدە وتەتىنىن ەسكە سالدى. ماسەلەن، 2021 جىلدىڭ 1 قاڭتارىنان باستاپ مەملەكەتتىك قىزمەتشىلەر مەن ولارعا تەڭەستىرىلگەن تۇلعالار، سونداي-اق، ولاردىڭ جۇبايلارى ءۇشىن جالپىعا بىردەي دەكلاراسيانى ەنگىزۋدىڭ ءبىرىنشى كەزەڭى باستالدى. 2023 جىلدىڭ 1 قاڭتارىنان باستاپ مەملەكەتتىك مەكەمەلەر مەن كۆازيمەملەكەتتىك سەكتوردىڭ قىزمەتكەرلەرى مەن ولاردىڭ جۇبايلارى،ءۇشىنشى كەزەڭدە 2024 جىلدان باستاپ – زاڭدى تۇلعالاردىڭ باسشىلارى مەن قۇرىلتايشىلارى، سونداي – اق جەكە كاسىپكەرلەر مەن ولاردىڭ جۇبايلارى، 2025 جىلدان باستاپ-ازاماتتاردىڭ قالعان ساناتتارى دەكلاراسيا تاپسىرا باستايدى.
جالپىعا بىردەي دەكلاراسيالاۋدىڭ نەگىزگى ماقساتى - كولەڭكەلى ەكونوميكادان قوماقتى قارجى قاراجاتىن الۋ، سىبايلاس جەمقورلىق قۇقىق بۇزۋشىلىقتاردىڭ الدىن الۋدىڭ ءتيىمدى ءتاسىلى جانە بيۋدجەتكە تۇسەتىن تۇسىمدەردى ۇلعايتۋ.
اكتيۆتەر مەن مىندەتتەمەلەر تۋرالى دەكلاراسيادا مىناداي مالىمەتتەر كورسەتىلۋى ءتيىس:
1. قازاقستان رەسپۋبليكاسىنان تىس جەرلەردەگى مۇلىكتەر:
- جىلجىمايتىن مۇلىك، جەر ۋچاسكەلەرى جانە (نەمەسە) جەر ۇلەستەرى، اۋە جانە تەڭىز كەمەلەرى، ىشكى سۋدا ءجۇزۋ كەمەلەرى، "وزەن-تەڭىز"ءجۇزۋ كەمەلەرى؛
- كولىك قۇرالدارى، ارنايى تەحنيكا جانە (نەمەسە) تىركەمەلەر؛
- قازاقستان رەسپۋبليكاسىنان تىس جەرلەردەگى شەتەلدىك بانكتەردەگى بانكتىك شوتتارداعى اقشا بارلىق بانكتىك سالىمدار بويىنشا رەسپۋبليكالىق بيۋدجەت تۋرالى زاڭدا بەلگىلەنگەن جانە ەسەپتى سالىق كەزەڭىنىڭ 31 جەلتوقسانىنا قولدانىستا بولعان ايلىق ەسەپتىك كورسەتكىشتىڭ 1000 ەسەلەنگەن مولشەرىنەن جيىنتىق اساتىن سومادا؛
- قازاقستان رەسپۋبليكاسىنان تىس جەردە قۇرىلعان زاڭدى تۇلعانىڭ جارعىلىق كاپيتالىنا قاتىسۋ ۇلەسى.
2. قازاقستان رەسپۋبليكاسىندا دا، ودان تىس جەرلەردە دە مۇلىك:
- تۇرعىن ءۇي قۇرىلىسىنا ۇلەستىك قاتىسۋ تۋرالى شارت بويىنشا تۇرعىن عيماراتتاعى ۇلەسى؛ - باعالى قاعازدار، تۋىندى قارجى قۇرالدارى (ورىندالۋى بازالىق اكتيۆتى ساتىپ الۋ نەمەسە وتكىزۋ جولىمەن جۇزەگە اسىرىلاتىن تۋىندى قارجى قۇرالدارىن قوسپاعاندا)؛
- ينۆەستيسيالىق التىن؛
- زياتكەرلىك مەنشىك، اۆتورلىق قۇقىق وبەكتىلەرى؛
- رەسپۋبليكالىق بيۋدجەت تۋرالى زاڭدا بەلگىلەنگەن جانە جەكە تۇلعانىڭ اكتيۆتەرى مەن مىندەتتەمەلەرى تۋرالى دەكلاراسيا تابىس ەتىلگەن جىلدىڭ الدىنداعى جىلدىڭ 31 جەلتوقسانىندا قولدانىستا بولاتىن ايلىق ەسەپتىك كورسەتكىشتىڭ 10000 ەسەلەنگەن مولشەرىنەن اسپايتىن سومادا كورسەتىلەتىن قولما-قول اقشا؛
- بانكتەرگە جانە بانك وپەراسيالارىنىڭ جەكەلەگەن تۇرلەرىن جۇزەگە اسىراتىن ۇيىمدارعا بەرەشەكتى قوسپاعاندا، مىندەتتەمەنىڭ نەمەسە تالاپتىڭ تۋىنداۋىنا نەگىز بولىپ تابىلاتىن نوتاريات كۋالاندىرعان (كۋالاندىرىلعان) شارت نەمەسە وزگە قۇجات بولعان كەزدە جەكە تۇلعانىڭ جەكە تۇلعا الدىنداعى بەرەشەگى (دەبيتورلىق بەرەشەك) جانە (نەمەسە) جەكە تۇلعانىڭ باسقا تۇلعالار الدىنداعى بەرەشەگى (كرەديتورلىق بەرەشەك) قازاقستان رەسپۋبليكاسىنىڭ قازاقستان رەسپۋبليكاسىنداعى بانكتەر جانە بانك قىزمەتى تۋرالى زاڭناماسىمەن؛
- جەكە تۇلعانىڭ قالاۋى بويىنشا باعالاۋشى مەن سالىق تولەۋشى اراسىنداعى شارت بويىنشا جۇرگىزىلگەن باعالاۋ تۋرالى ەسەپتە ايقىندالعان قۇن بولعان كەزدە، وسى مۇلىكتىڭ بىرلىگى ءۇشىن رەسپۋبليكالىق بيۋدجەت تۋرالى زاڭدا بەلگىلەنگەن جانە ەسەپتى سالىق كەزەڭىنىڭ 31 جەلتوقسانىندا قولدانىستا بولعان ايلىق ەسەپتىك كورسەتكىشتىڭ 1000 ەسەلەنگەن مولشەرىنەن اسقان جاعدايدا، باسقا مۇلىك كورسەتىلۋى مۇمكىن قازاقستان رەسپۋبليكاسىنىڭ باعالاۋ قىزمەتى تۋرالى زاڭناماسىنا سايكەس. باسقا مۇلىككە مەملەكەتتىك نەمەسە وزگە تىركەۋگە جاتاتىن مۇلىك، سونداي-اق قۇقىقتار جانە (نەمەسە) مامىلەلەر مەملەكەتتىك نەمەسە وزگە تىركەۋگە جاتاتىن مۇلىك جاتپايدى.
دەكلاراسيانى “سالىق تولەۋشىنىڭ كابينەتى” ارقىلى ەلەكتروندى تۇردە بەرۋگە بولادى (cabinet.salyk.kz)، “ەلەكتروندىق ۇكىمەت” پورتالى (egov.kz)، سونداي-اق e-Salyq Azamat ءموبيلدى قوسىمشاسى ارقىلى ۇسىنۋعا بولادى. قاعاز تۇرىندە مەملەكەتتىك كىرىس ورگاندارىنا بارۋ ارقىلى نەمەسە پوشتا ارقىلى تاپسىرىس حاتپەن جىبەرىلەدى.
جەكە تۇلعالار (جەكە كاسىپكەرلەر مەن جەكە پراكتيكامەن اينالىساتىن ادامداردى قوسپاعاندا، مىسالى، مەملەكەتتىك قىزمەتشىنىڭ جۇبايى) تۇرعىلىقتى جەرى بويىنشا دەكلاراسيا تاپسىرادى. جەكە كاسىپكەرلەر مەن جەكە پراكتيكامەن اينالىساتىن ادامدار دەكلاراسيانى ورنالاسقان جەرى بويىنشا تاپسىرادى.
جالپىعا بىردەي دەكلاراسيالاۋ بويىنشا سۇراقتار تۋىنداعان جاعدايدا جەكە تۇلعالار 1414 ءنومىرى بويىنشا ءبىرىڭعاي بايلانىس ورتالىعىنان كەڭەس الا الادى. بۇدان باسقا، تولىق اقپاراتتى قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتىنىڭ رەسمي (kgd.gov.kz) سايتىنان «جالپىعا بىردەي دەكلاراسيالاۋ» بولىمىنەن الۋعا بولادى.