«Apple Fest» فەستيۆالىنە الماتى وبلىسىنىڭ فەرمەرلەرى 150 توننا الما اكەلەدى
الماتى قالاسى كاسىپكەرلىك جانە ينۆەستيسيالار باسقارماسى تۇڭعىش پرەزيدەنت پاركىندە 16-17 قىركۇيەكتە وتەتىن «Apple Fest» فەستيۆالىنە 150 توننا الما جەتكىزۋگە الماتى وبلىسى شارۋاشىلىق قوجالىقتارىنىڭ قاتىسۋىن ۇيىمداستىرىپ وتىر.
اعىمداعى جىلى قالا كۇنىن مەرەكەلەۋگە تالعار، قاراساي، ەڭبەكشىقازاق جانە ۇيعىر اۋداندارىنىڭ شامامەن 45 باۋ-باقشا سەرىكتەستىگى قاتىساتىن بولادى. فەستيۆالدە بارلىعى المانىڭ 13 ءتۇرى، اتاپ ايتقاندا، ليمونكا، امەريكانكا، زولوتوي پريەۆوسحود، اپورت، كانديل، گرۋشوۆكا، اينۋر، سالتانات، مەلبا، راشيدا، پەسترۋشكا، گالا جانە راحات سەكىلدى تۇرلەرى ۇسىنىلادى.
«Apple Fest» قالالىق فەستيۆالى ءداستۇرلى مەرەكە بولىپ تابىلادى جانە ول «قالا كۇنىن» مەرەكەلەۋ شەڭبەرىندە 2015 جىلدان باستاپ ءوتىپ كەلەدى.