بيىل الماتى قالاسى بويىنشا 27588 وقۋشى 9 سىنىپتى بىتىرەدى.
2024 جىلدىڭ 23 اقپان كۇنى الماتى قالاسى ءبىلىم باسقارماسىنىڭ ۇيىمداستىرۋىمەن «الماتى مەكتەبى» جوباسى اياسىندا 9 سىنىپ وقۋشىلارىنا ارنالعان «جاس مامان 2024» ماماندىقتار جارمەڭكەسى وتەدى، دەپ حابارلايدى Almaty-akshamy.kz.
ماماندىقتى دۇرىس تاڭداۋ تۇلەكتەر مەن اتا-انا ءۇشىن وتە ماڭىزدى.
وسىعان وراي جارمەڭكەدە مەكتەپ ءبىتىرۋشى تۇلەكتەرگە ارنالىپ تەحنيكالىق جانە گۋمانيتارلىق سالاعا باعىتتاۋ بويىنشا ماماندار ناسيحاتتاۋ جۇمىستارىن جۇرگىزەدى.
ءىس-شارانىڭ ماقساتى: 9-سىنىپ تۇلەكتەرىن كاسىپتىك مۇمكىندىكتەردىڭ كەڭ اۋقىمىمەن تانىستىرۋ جانە ولاردى ەڭبەك نارىعىندا سۇرانىسقا يە سالالارعا قىزىعۋشىلىعىن ىنتالاندىرۋ، ماماندىقتى تاڭداۋدا دۇرىس شەشىم قابىلداۋىنا ىقپال ەتۋ.
بۇل كۇنى الماتى قالاسىنىڭ 30-عا جۋىق كوللەدج وكىلدەرى كەلىپ ەلىمىزگە قازىرگى تاڭدا قاجەتتىلىگى جوعارى ماماندىق تۇرلەرىمەن تانىستىرىپ، بولاشاق تۇلەكتەرگە سەمينار، شەبەرلىك ساعاتتارىن وتكىزەدى.
وتەتىن ورنى: ورىنبور كوشەسى، 17، №64 مەكتەپ
كۇنى مەن ۋاقىتى: 2024 جىل 23 اقپان، ساعات 10:00